Si longe que le linguas europee es parlate super integre territorios il
non ha un risco que le anglese deveni le sol lingua in Europa. Le risco
veni quando le parlatores de linguas minor non plus pensa que il vale le
pena usar su linguas, e iste risico va exister anque si on introduce un
altere lingua como le sol lingua de Europa. Preservar le linguas
national es le cosa de lor parlatores.
Le facto es que interlingua, malgrado que illo es plus facile que
anglese, ha un multo plus clar pronunciation, ha un plus simple
ortografia, ha un simplissime grammatica, debe luctar vermente ben pro
prender territorio del anglese.
Quando ego visitava Latvia in medio de januario iste anno ego trovava
que le juvene generation con entusiasmo parlava le anglese. De
interlingua nulle habeva audite.
Il habera multo a facer!
Kjell R