Loewiz,

Nos lege in le periodicos e in le web super le proposite legislation
in Francia a prohibir que un persona se vesti in vestimentos de lor
religion in locos public. Io sape que pro le brittanicos e le americanos
isto sembla alquanto severe e un violation de libertate personal. Le
brittanicos ha populationes de musulmanes e sikhes e catholicos e
indianos, e on non prohibi le individuos de iste gruppos de vestir se
in qualcunque maniera que illes vole.  In le Statos Unite le libertate
del persona es in parte assecurate per prohibir le stato de monstrar
symbolos de alcun religion. In le scholas e edificios public on non
debe monstrar un cruce, le dece commandamentos de Moses, etc.. Mais
le prohibition es contra le stato e non contra le individuo. Le individuo
pote practicar su religion tanto longe que ille non interferi in le
activitates de alteres, mesmo in le publico.

Io sape que le francese jam es convenibile con interferir in le uso
de su cititanos de altere linguas que le francese, e possibilemente
cosas como isto explica proque iste legislation proposite sembla tanto
popular. Isto es solmente un similar prohibition pro unificar le
societate.  Mais lingua e religion es cosas sacre a individuos. Es le
franceses preparate pro le conflicto que naturalmente va sequer isto?
In certe respectos americanos va sentir un certe relevemento si
Al-Qaida diverti su attention a Francia como le 'Grande Satan'.

Como un psychologo e scientista social io debe exprimer mi dubitos
que isto va succeder. Usualmente per le tertie generation in nostre
societate, le acculturation diminue le extreme expressiones de
extranieritate.  Le juvenes non vole remaner isolate e ignorante como
lor parentes per sequer lor manieras e costumes extranier.  Il ha
recompensa per immerger se in le societate in vestimentos commun. Isto
reduce le conflicto.  Mais si le societate mesme rejice los e face
un demanda pro un involuntari submission a su costumes, le juvenes
va rebellar se. Illes va identificar con lor gruppos e lor costumes.
Il pote haber mesmo le guerra civil.

Que es vostre opinion super isto? E que es le opiniones de alteres?

Stan Mulaik