>From: Rodrigo Portela Sánchez <[log in to unmask]>
Ah, tu es 'Philoglot' - le latinista, que io incontrava in le chat
recentemente. Salute. :)
Io memora que tu diceva in le chat, que interlingua non es ben cognoscite
inter latinistas. Isto es triste, io pensa, nam in mi humile opinion le
latinistas es un del duo gruppos a qui nos pote realisticamente 'vender'
interlingua. (Le altere es le esperantistas.)
In iste dies io es legente un libro interessante re le historia del lingua
espaniol, e in isto se dice, que le linguas romanic (e per consequente
interlingua) non descende del latino, ma del latino vulgar, le qual
coexisteva con le latino como su forma parlate. (E 'latino', como nos lo
cognosce del textos, esseva solmente usate per scripto.)
Si isto es correcte, interlingua es dunque plus proxime al lingua que on
parlava in le imperia roman, que latino!
Non esseva isto un bon argumento pro attraher latinistas a interlingua?
Alora vos poterea usar latino, quando vos scribeva le un con le altere, e
interlingua, quando vos vos incontrava al conferentias o parlava per Skype.
Isto esseva historicamente plus correcte que anque usar latino parlante. :)
Amicalmente
Lars
--
Mi blog in interlingua: http://falcatorrosa2.blogspot.com
>Reply-To: Discussiones in Interlingua <[log in to unmask]>
>To: [log in to unmask]
>Subject: Re: [INTERLNG] Ephemeris
>Date: Fri, 15 Sep 2006 21:23:00 +0200
>
>Si, io mesmo cognosceva le auctor del paginas iste estate in un
>congresso latin. :-P
>
>Le sito non es nove, ma felicemente illo es regularmente actualisate e
>completate con differente sectiones, non solmente novas, anque
>lecturas e altere cosas.
>
>2006/9/15, Giovanni Nappi <[log in to unmask]>:
>>Car totes,
>>
>>pote esser que alcuno inter vos ja sape le nova...
>>In interrete existe un periodico scripte in le lingua-soror-major de
>>nostre interlingua: le latino :P
>>
>>Ecce le ligamine
>>
>>http://ephemeris.alcuinus.net/
>>
>>
>>A tosto
>>Giovanni
>
>--
>Archivos e disabonar: http://listserv.icors.org/archives/INTERLNG.html
_________________________________________________________________
Ta' på udsalg året rundt på MSN Shopping: http://shopping.msn.dk her
finder du altid de bedste priser
--
Archivos e disabonar: http://listserv.icors.org/archives/INTERLNG.html
|