[...]

> Si il ha personas blonde e
> brunettas, e il ha un dictator
> oppressor del capillos obscur
> e protector del capillos auree.
> In quante generationes devenira
> ille personas alco differente a
> humanos? Non, illes remanera
> humanos, omne blonde forsan,
> ma in lor ADN habera anque
> vestigios memorial del brunettas?
> Claro que si, ille instructiones
> es inactive, ma resta illac. In
> mi opinion, le habilitate es jam
> presente, create.
>

Esque tu es vermente secur que infra 10, 100, 1.000 milliones de annos le
genere human non se sera modificate, etiam in parvissime mutationes casual?
Naturalmente si a ille epocha le genere human existera ancora! :-)

Le evolution se monstra super un vastissime scala temporal; nos non pote
vider lo que pote occurer al homines in nostre brevissime vita. Le fossiles
retrovate lo demonstra. Il necessita milliones de annos pro haber
differentias siginificatives in le species. Plus que 150.000 - 200.000 annos
retro le homine, como specie actual (homo sapiens) ancora non existeva.
Desde su apparition in le terra su structura non es cambiate, il ha habite
solmente differentiation de racias a causa del adaptationes climatic e
hambiental.

[...]

> "Basta, io ha bastante evidentia
> pro basar mi fide". Ma il ha
> alteres que dice "Non basta,
> io ha necessitate de plus
> observation e plus clarification
> pro poner mi fide in illo". E
> quando on trova le fide in le
> Parola de Deo, on crede assi,
> que le libro de Genesis e le
> record historic es in accordo.
> Secun le genesis on pote ben
> vider le progression del apparentia
> de classes e species in nostre planeta.

Como christiano io me stoppa ante le mysterio del creation, del vita, del
morte; mi fide non suffice pro isto, mi fide me dona le sperantia pro un
responsa futur. Ma al mesme tempore como christiano io non ha solmente le
derecto ma etiam le deber e le possibilitate de trovar un responsa,
securmente limitate, al grande mysterio del natura, del terra, e del univers
o in plen libertate. Como christiano io debe haber le corage de modificar mi
opinion re le complexitate del natura si il ha nove discopertas, nove
studios, nove theorias que pote contribuer al cognoscientia del mundo. In
iste maniera io pote admirar le meraviliose beltate del cosmo e su complexe
interation con le natura e le mundo in le qual io vive.

Luca Ghitti