Que vos scribe burlas cognoscite (e favorite) per vos traducite in interlingua hic!

Ecce le mie pro le comenciamento:

Io sape toto super te
Le parve puero videva un film televisive e concludeva, que on pote attinger toto a homines per le simple phrase "Io sape toto super te.". Un vice ille besoniava moneta e pensava: ille va probar isto. Ille vadeva a su matre, qui justo secava un legumine in le cocina. Ille la diceva con un intonation seriose: "Mama, io sape toto super te." Audiente isto le matre subito ha secate su digito per le cultello, deveniva embarassate e le diceva: "Mi car filio, per favor non dice lo a tu patre!" - e dava al puero 200 HUF. Le puero prendeva le moneta con satisfaction e iva a su patre, qui justo legeva jornal. - Papa - ille diceva con le mesme seriositate de adultos como ille lo audiva in le films - "Io sape toto super te!". Tamben su patre deveniva embarassate e dava a su filio 1000 HUF-es a fin que ille retene le secreto ante le matre. Le parve puero se gaudeva e era multo contente. Tosto sonava le campanetta del porta. Justo le parve puero era lo qui aperiva le porta. Le currero veniva. Ante que ille haberea potite dicer qualcosa le parve puera diceva categoricamente: "Oncle currero, io sape toto super te." Alora subito le mimica del currero se ha cambiate (illo monstrava emotion) e ille ha dicite: "Veni, mi filio a me; que tu da un basietto a tu patre!"

(resumite in interlingua per Péter Kovács)

--
Pro disabonar te: http://listserv.icors.org/archives/INTERLNG.html