Subject: | |
From: | |
Reply To: | INTERLNG: Discussiones in Interlingua |
Date: | Sun, 1 Jan 2006 16:19:44 +0200 |
Content-Type: | text/plain |
Parts/Attachments: |
|
|
d[2006-01-01] x[Kiviaho Allan] z[KivA-F11pd] r[NapG-F11]
s[Re: Augurios pro le nove anno. Le nove sito del UMI. Usa interlingua!]
s[Bastonpromenada]
[log in to unmask]
----------------------------------------------------------------
Giovanni: Hodie es le die X pro aperir le nove sito del UMI,
nonne?
-------------------------------------------------------x--------
Gratias, Giovanni Nappi, pro tu augurios!
Sia le 2006 con su "nove UMI - nUMI" un anno successose
pro interlingua!
Alberto Mardegan (administrator de sitos del UMI) e
Emerson José Silveira da Costa (Vice-administrator de
sitos del UMI desde estate):
An vos pote jam estimar, quando le nove sito del UMI va
esser aperte?
* * *
:::::::::::
:: iaMM6 ::
:::::::::::
i a M M 6
....... 6 = anno 6
....M M . = secunde (tertie?) millennio in charateres roman
i a ..... = iNTERLINGUa
Pronunciate como "iiammsex" o "yammsex".
Promissas pro le anno iaMM6
---------------------------
Promissa numero 1:
Desde hodie io va parlar interlingua mesmo a casa. Io
startava al jentaculo. Mi sposa Brita-Lisa - la
secretaria del AFIL * Association Finlandese pro
Interlingua - deveniva furiose e nominava me un IDIOTA.
Io scribeva un parte de mi parolas al papiro.
Posteriormente Brita-Lisa constatava: "Sed io comprende
ja le toto ...!"
Nostre granfilio Valter Amadeus face hodie un anno. Su
matre, patre e grande fratre Marc-André Julius volava
heri a Teneriffa. Io inviava mi congratulationes a parve
"Vallu" in interlingua.
Nota bene que Wolfgang Amadeus Mozart face le 27e de
januario iste anno 250 annos. Exactemente le mesme die
Marc-André face 4 annos e 8 menses e su parve cosino
Morten Johannes Alarik etiam exactemente 2 annos e 8
menses. Morten va obtener un fratre o soror in aprilio.
Su familia volava heri a München, ubi illes prendeva un
auto in arrentation e conduceva a Zell am See, Austria.
Le familia de nostre filia ha a Teneriffa 24 grados
super zero e illo de nostre filio a Zell am See 20
grados sub zero. Un differentia de 44 grados. Heh, nos
habeva a casa 90 grados super zero - in sauna que nos
habeva calefacte post grande sufferentias post le
baston-promenada de ca 8 kilometros in temperatura de
+1 C e pluvia tenue.
Mi sposa e io son fanatic promenatores con bastones. Io
crede que iste "sauvakävely" (baston-promenada) es un
innovation finlandese. On usa duo bastones como le
skiatores. Le doctores dice que con le baston-promenada
on combure 30 % plus lardo quam con un promenada sin
iste artefactos durante que on senti solmente 10 % de
extra effortio physic.
Un plaga national de finlandeses es le syndroma
metabolic - nimis multe lardo porcose in cinctura
("bukfett" in svedese, "keskivartalon lihavuus"
[obesitate in le medie de corpore] in finnese]) - ca
33 % del population finlandese suffre de iste problema,
que e.g. causa diabetes del typo B. Bastonpromenada es
un contramesura excellente, tanto efficiente como un
dieta rigorose.
Salutante
Allan Kiviaho
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
|
|