Stéphane Martin wrote:

> >
> >Ma le ver incubo venira post le guerra quando Bush intende introducer
> >democratia in Iraq. Como va reager le massas in le mundo arabe?
>
> Il es poco probabile que isto occurre. Le discursos hodierne re le
> voluntate de establir un regime democratic in Iraq post le guerra es super
> toto un invention rhetoric invocate pro responder al criticas facte alicun
> menses retro contra le absentia de projecto e de objectivo clar del
> governamento statounitese pro le post-guerra. Le Statos Unite non habe un
> clar interesse in le creation de un Iraq democratic e, date le costos e le
> complicationes que isto producerea, io non pensa que le americanos lo
> facera. Plus tosto, illes essayara de abandonar Iraq tanto presto quanto
> possibile.
>
> Mesmo si nunc isto es sincermente parte del intentiones de Bush , le
> intentiones de un homine hodie non nos dice multo re su actiones deman.
>
> Re le reaction del massas arabe, il me sembla que illes jam ha comenciate
> reager desde un certe tempore.

Multo indica que tu analyse es correcte. Hodie matino ego audiva nostre ministra
exterior Anna Lind diceva que Svedia va laborar in favor de un commun effortio del
Europee Union de reconstruer Iraq post le guerra.
Isto debe esser facite in le cadro del UN.

In parolas clar: Le Statos Unite extra le auctoritate del UN attacca Iraq e
postea, que le resto del mundo reconstrue le pais!

Kjell R