>Luis,
>   Si le italianos ancora usa le lire, es le ration possibile que
>illes vole exhaurir lor currente possessiones de lire ante que
>illos non plus es utile?
>
>Stan

Omne Pais del UEM (le Union Europee Monetari, diverse del EU pro le
differentia del Paises actualmente membro) ha autonomemente decidite como
retirar su moneta national, illo que comocunque, per totos, venira
substituite definitivemente per le euro.
Assi Italia ha decidite que le nove e vetule moneta habera le mesme curso in
le prime duo menses del 2002. Postea le lira cessa de haber curso legal e
totevia uno potera cambiar vetule lire in euro pro un tempore de ancora dece
annos, comocunque solmente in un sede provincial del Banca de Italia, nostre
unic banca de emission, que actualmente batte monetas anque per altere
Paises del Union.
Le Germania, al contrario, non ha decidite un periodo de duplice circulation
del marco e del euro, totevia non ha ancora deliberate un termino legal pro
le marco. Assi le solite criticos scribeva que le Germania mantenera le
duplice curso del monetas. Isto non es ver.
Anque in iste circumstantia nos pote constatar como le UE non es diverse del
USA reguardo al structura de "E pluribus unum" que io lege in un moneta USA
de "five cents" del 1949, como dicer de un stato a structura federal,
respecto al Georgia, stato que ha su autonomia legislative, administrative
e, forsan, judiciari.
Quando nos refere nos al UE, in Italia es sempre plus actual referer nos a
un Europa del Nationes e isto vole significar que le structura
constitutional del proxime Europa debera supertoto respectar le diverse
realitates local que ha un lor historia e cultura antiquissime.
Pro local uno non debe intender italian, e al contrario debe intender le
diverse realitates italian.
Per exemplo, nos non pote facer un paragon inter le Georgia e le Region
Veneto, jam expression de un stato independente que ha un presentia autonome
in le historia durante 1200 annos.
Uno del recente problemas que se presentava in le UE reguardava justo le
Justitia. Postea le triste 11 de Septembre passate, in le UE se ha
presentate con major urgentia le exigentia  de poter facer assecurantia in
un organisation del Justitia a nivello federal.
Ben! Italia ha subite un massa de criticas pro le opposition politic italian
e per alcun altere Paises del UE. Le position del Governamento italian es
simplice.
Italia ha un ordinamento judiciari in le qual le garantias del citatanos es
grandemente avantiate. Il pare que necun Pais del Europa ha equal gatantias
in absoluto. Forsan nos ha un tradiction de Derecto un momento plus antique
respecto a altere Paises europee.
Probabilemente le facto que le prime universitate al mundo del epocha
moderne era a Bononia (Bologna) pro medicina e derecto, ha un su proprie
significato.
Assi ora, in Italia e in le UE, un parte del politicos affirma, aspecto nove
pro Italia, que nos vole esser in Europa, totevia non in un position de
condescendentia sin conditiones.
Io considera iste position de grande necessitate e con orgolio, perque
solmente un Stato que ha argumentos de poner in le tabula pote assumer un
position firme e resolute.
In Italia nos practicamente non ha plus mesmo le carcere a vita, le
"ergastolo", proque nos volerea haber un detention capace a educar le
persona al viver de homine libere. Postea nos non ha le structuras pro
garantir iste realisation in modo generalisate, totevia le major
condemnationes se supporta in libertate e non in prison.
Postea nos ha un Justitia que es lente anque justo pro le bon exercitio que
le homines de lege pote facer in defensa del accusato.
Le termino accusato vale solmente pro interlingua e non pro le derecto
italian que non considera le persona accusate.
Defecto o precio? Realitate italian in omne caso!
Io es contrari al pena capital e totevia io non sape si Georgia es un Stato
que lo admitte ancora. Iste thema es de grande importantia, totevia in omne
Pais le citatanos ha derecto de administrar le Justitia con lor senso commun
e majoritari del justitia, exception solmente pro le formas barbare de
comminar (infliger) un pena, mesmo capital. Le manifestar contrarietate pro
un sol aspecto e postea non considerar le famine patite, hodie, al mundo, es
un exercitio del virtute del toto singular e mesmo commode.
Quando nos considera un evolution de costumes in campo politic, como isto
sera sempre plus actual in le UE, nos non pote evitar le protagonismo (le
esser protagonista). Assi durante le semestre de presidentia que omne Pais
del UE exercita in rotation, isto es le semestre del Espania, le initiativas
plus involvente es illos proponite per le Pais que ha le presidentia del
Union. A vices le homines politic del momento ha necessitate de legar lor
nomine a initiativas de alte nivello.
Uno esseva illo de preveder un immediate administration del Justitia per un
numero precise de reatos, de parte de un qualcunque tribunal, judice, public
ministerio (accusator), de uno qualcunque del Paises europee e isto a valer
pro tote le citatanos de un qualcunque Pais europee.
Italia ha sublevate, unic Pais in le UE, le problema de haber un charta
constitutional que non permitte iste initiativas si non pro un judice
italian.
Vermente Italia non essava le unic Pais del Union a pretender respecto pro
le proprie organisation judiciari e le proprie derecto. Austria obteveva,
per exemplo, identic garantia. Era comocunque solmente Italia que veniva
criticate pro su proprie prisa de position. Isto face le joco del opposition
italian que conta in le UE un large consideration, obviemnete non
disinteressate.
Cata uno debe facer su parte in un pais que vole considerer se democratic. E
necuno se sparnia, isto es certe e secur. Un citatano pote haber le
sensation de viver in un active democratia.
Le mesmo que in le USA.
Io pensa que nos assistera a un crescendo de iste distinguos in le proxime
futuro perque ora il se tracta de poner le bases del charta constitutional
supranational europee e pro facer isto, probabilemente ha ration ille parte
del politicos italian qui intende partir del bases e non del tecto.
In altere parolas il debe succeder un rapide adequamento del istitutiones,
sia national como del Union, e isto non debe comportar un retorno al
passato, un reduction de derectos, un minor autonomia, un minor respecto del
culturas e del institutiones local.
Nos pote admitter un legislation que pone limitationes al uso de un
alimento, al nomine de un producto alimentar, a illusiones de resolver per
iste vias fraudes e contraventiones vetule como le mundo, non resolvibile
per iste solutiones fantasiose, illo que nos non debe permitter es mancar de
respecto pro uno qualcunque del realitates que face grande le Europa.
Un belle defia con le futuro, il non ha que dicer!
Si le UE non solve iste bases il sera impossibile considerar un expander del
Union.

Nos ha le euro, medio de forte union, sin dubita.
Nos non ha un lingua e totevia nos manifesta un grande propension pro
assumer le anglese como lingua official del Union. Isto es un supposition
que considera le programmas del schola italian e le percentual, forsan jan
proxime a 5% del presentia de terminos anglese in le currente e quotidian
parlar in Italia.
Parlar non significa anque e necessarimente comprender le significato,
totevia isto es un altere question.
Io comprende le utilitate final de iste idea in un union con le USA que se
revelera actuabile plus proxime de illo que nos pensa si dollar e euro non
volera prestar se al speculation international.
E le economia USA in iste momento non es in su melior salute.
Qual anglese io me demanda si illo face jam fatiga a exprimer un unitate in
le Paises que lo practica?
Interlingua? Un belle occasion perdite in comenciamento. Mesmo si io
considera le fatigas que on face in Coollist pro dicer nihil!
Quando io pensa a iste thema io ha con obsession presente le expression:
"Transversante le oceano . . .!"
Toto isto per tres, quatro personas e non de plus pro render Interlingua un
complication plus grande del mesme anglese.

Reflexiones de un homine qui tenta de viver su dies.

Mario









_________________________________________________________________
Prova MSN Messenger per conversare in linea con i tuoi amici:
http://messenger.msn.it/