Ego pensa que isto pote interessar le non pauc usatores de computatores
Mac in le mundo de interlingua.
Le version retiari de MacWorld annuncia que le famose programma pro
telefonia via computator via un connexion a banda large appellate
"Skype" nunc existe anque pro le Mac. Iste programma existe jam pro le
platteformas Windows e Linux.
Per le Skype pro Windows, Linux o Mac tu pote telefonar per tu
computator, si tu ha un connexion a banda large. Tu debe haber un
auriculos e microfono (un headset) pro le computator e le systema
operative del Mac debe esser al minus X.10.3.
De computator a computator tu pote telefonar totalmente gratuitemente.
Skype va anque possibilisar telefonatas al retes fixe e mobile.
Ancora Skype pro Mac existe solo in version Beta.
Inter le creatores del programma se trova Niklas Zennström, qui creava
le programma excambia files Kazaa.
Si vos lege le svedese, vade a
http://macworld.idg.se/ArticlePages/200408/31/20040831102541_MW167/
20040831102541_MW167.dbp.asp
Si tu es interessate in le version Beta, telecarga lo cliccante le
texto "Ladda ned betaversionen"
Kjell Rehnström