Pro usos special in un lingua planificate como
interlingua, on pote introducer parolas structural
nove. Que nos imagina un tractato sur le logica que
contine iste paragraphos:
"Pro le scopos de iste tractato io va reviver le
conjunctiones latin 'aut' e 'vel'. Le equivalente in
interlingua pro iste conjunctiones es 'o'. Ma 'aut'
significa 'A o B ma non le duo cosas' e 'vel'
significa 'A o B o ambes'. Le parola 'o' include ambe
iste conceptos.
"In le logica il es a vices essential distinguer inter
iste conceptos. In unes linguages informatic,
informaticos american ha cuneate 'or' pro 'vel' e
'xor' pro 'aut'. Felicemente, in iste tractato io
pote usar 'vel' o 'aut' ex le latino classic pro
indicar iste duo conceptos quando io non pote tolerar
le ambiguitate de 'o'."
__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com