Martijn Dekker in Re: [INTERLNG] Un anno con le euro, a mi judicio, ha
ponite in
evidentia un del aspectos que contribue majormente a determinar le
qualitate del vita in nostre actual societate occidental. Ille scribeva:
>
> Indifferentia public. Si le massa non vole participar in le politica, le
> politica va facer le decisiones sin le massa. Postea le massa blasma le
> politicos pro facer decisiones que non lo place, ma in realitate le massa
> ha solmente se mesme a blasmar. Omne populo (vivente in un systema
> democratic) obtene le leaders que illo merita.
>
> In mi pais Nederlandia, le publico indifferente e enoiate ha destruite un
> assatis ben functionante systema politic (le "coalition purpuree") e lo ha
> reimplaciate con un circo disastrose de incompetentes, corruptes e
> narcissistas. Ora, post le collapso del circo-Pim Fortuyn, le disillusion
> public con le politica es plus grande que jammais, e io time le futuro.
>
> - Martijn
>
Io non dispone de sufficiente informationes pro comprender ben le realitate
politic actual que Martijn describe e refere a su Pais, totevia io crede de
viver un realitate politic que es multo analoge a illo describie per
Martijn.
Durante iste dies mi reflexiones habeva pro thema como recuperar le
interesse del personas pro le bon administrar le ben public.
Io pensa a un recuperation non motivate per un facto precise e al contrario
a un
sorta de necessitate commun pro prestar attention a illo que succede
intertanto in nostre plus proxime organisation administrative public, que in
mi realitate corresponde al governamento de mi citate, solitemente
coincidente con mi communa.
Como recuperar le massa perque le majoritate exprime un attente interesse
pro le bon administration?
Le realitate in mi citate es illo describite per Martijn, nihil es diverse,
e totevia isto es pro mi modo de pensar, le expression de un fallimento
collective.
Io prova un senso de impotentia personal e totevia io me interroga perque
forsan, a mi etate, io ha tempore e probabile energias, pro dedicar me a mi
societate. Justo iste postmeridie, in examinar iste realitate con un mi
coetanee, io diceva que, al fin, il se tracta de proponer cultura.

Mario