d[020905] x[Kiviaho Allan] z[KivA-295hc INTERLNG]
s[Pivo - sila, sport - mogila!]
[log in to unmask]
[log in to unmask]
Estimate Gentilesseressas e Gentilesseres human,
Heri nos, mi marita e io, visitava ancora un vice
Tallinn, le capital de nostre parve cosino, Estonia.
6 000 000 finlandeses (Finlandia ha ca. 5 000 000
habitantes) visita cata anno Estonia. Omne die 60
naves, catamaranos, hydroplanos et alii naviga inter
Helsinki e Tallinn.
Tallinn es un citate meraviliosissime, un grande
integritate de un citate medieval, bellissime.
Le horribile occupation sovietic de Estonia in
1940-1991 habeva al minus un beneficio; gratias al
stagnation "brezhnevian" Estonia non experiva un
licentiose phase de capitalismo con su edification e
"modernisation" ragiose. E 60 annos del decadentia
de socialismo real e tyrannia estranier non era un
periodo sufficientemente longe a dilapidar le casas al
condition irreparabile.
Tallinn ha devenite un grande attraction de tourismo,
un competitor serie a Helsinki. In 2003 le prime vice
le numero de crucieros luxuriose a Tallinn va
surpassar illo de Helsinki (quasi 200 per annum) e on
ha comenciate edificar un quai special pro le
cruciatores luxuriose in le porta de Tallinn. Iste
cruciatores visita semper Sankt Peterburg e Riga e
quasi semper Tallinn sed non plus necessemente etiam
Helsinki ... Too bad!
Heri Tallinn era visitate per un cruciator de luxe
"Costa Europa" (ex Espania, si io non erra). Iste
cruciator habeva apportate a Tallinn un grande numero
de vetule americanos qui habeva se dividite in plure
gruppos guidate per guidas estonian.
Le "Raekoja plats", le placia del medieval domo
municipal ha ancora un nove restaurante belle,
Revalia" in terrassa de qual mi marita e io sedeva in
alte temperatura totalmente anormal pro iste saison.
Le nomine "Tallinn" veni ex nomine "Daani linn" o
"Taani linn" = "citate danese" (Tallinn era
occupate per daneses in 1219 sed in 1346 Danmark
vendeva Tallinn e tote Estonia al Ordo Teutonic,
cuje fortalessa principal, Marienburg/Malburk in
Polonia era visitate del conferentia mundial de
Interlingua retro un anno). Tallinn es o al minus
ha essite "Reval" in germano e svedese, pro isto
illo era appellate in Finlandia etiam "Rääveli".
Tallinn deveniva un citate hanseatic multo
remarcabile sed era capturate per Svedia in 1561
e Russia in 1710. In februario-novembre 1918 e
augusto 1941 - septembre 1944 Tallinn era occupate
per le armea german.
De facto Tallinn como Riga ha un aere multo german,
benque le populo german lassava Estonia durante le
secunde guerra mundial in accordo del pacto de
Ribbentrop - Molotov. Un germano importante pro
Interlingua era Edgar de (von) Wahl, le patre del
Occidental/Interlingue e le linguas auxiliar
naturalistic.
Post Germania habeva occupate Estonia de Wahl era
incarcerate, proque ille non habeva usate le
possibilitate del clausula Ribbentrop - Molotov de
cambiar a Germania sed declarate que ille non voleva
ir al tal "Termitenstaat" (Germania de Hitler)".
--------------------------------------------------
Edgar de Wahl, Esperanto e bolchevismo
--------------------------------------
Quando Occidental era publicate in 1922, de Wahl
presentava:
"Le cosa es clar a me: O bolchevismo conquera e con
illo etiam le nove cultura de Esperanto, o le
bolchevismo non conquera, e ergo le complicate linguas
neolatin, que conserva le elementos de cultura europee
de duo millennios, va triumphar".
Vide http://www.kolumbus.fi/allkiv
- clicca le pictura de Edgar de Wahl
============================
Le brave soldato Shvejk
Pivo - sila, sport - mogila!
============================
On trova in Tallinn un amusante restaurante "Shvejki
juures" (a Shvejk) que es dedicate a iste symbolo
national de czechismo, create per Jaroslav Hajek post
le prime guerra mundial.
Al pariete pende un belle portrait del imperator
Franz Jozef II de Austria-Hungaria e plure picturas
de themas del creation de Hajek, picte per un artista
latvian (?).
Le restaurante es dedicate al bira e cocina czech. Nos
bibeva naturalmente "Pilsner Urquell" que es
generalmente considerate como le optime bira del
mundo. Un bira famose es etiam "Budejovice",
Budweiser. Etiam in le Statos Unite es fabricate bira
con nomine "Budweiser". Le bireria american persequeva
in judicio que le czechos non debe fabricar bira con
nomine "Budweiser". Illo es quasi equalmente absurde
si un bireria czech demandava que le americanos non
debe fabricar bira con nomine "George Washington". Le
bireria american naturalmente perdeva le processo.
Como cognite, le plus profunde sapientias del mundo
son trovate in pissoires public. Le pissoire del
"Shvejki juures" era plen de sagessas, un plus sage
quam le altere. Un del sagissime era (in russo):
PIVO - SILA
SPORT - MOGILA
Traducte a interlingua:
BIRA - FORTIA
SPORT - TUMBA
Retornante a Helsinki nos comprava con bon mercato a
nave 48 cassettas de "Saku", bon bira estonian ...
Elagu vaba Eesti!
Que vive Estonia libre! (Tosto un membro del OTAN e
le Union Europee)
Allan
|
