Secundo Frank del Olmo, jornalista coredactor del "Los
Angeles Times" e recipiente del premio Pulitzer, cuje
ancestres esseva del tribo aboriginal mexican
tamulipec, le position socioeconomic del mexicanos e
mexicano-americanos (chicanos) de Los Angeles ha
cambiate multo desde 1990.

"Nos es melio organisate," dice ille, "e nos non
permitte le exploitation que nos antea tolerava.
Nostre numeros cresce.  (On calcula que annualmente
arriva 100.000 nove mexicanos, legal e illegal,
specialmente in Los Angeles.)"

Il anque ha un fuga continue de anglos, multes
raciste, qui prefere emigrar a Arizona o Nevada in
cerca de un ambiente social plus tranquille pro illes.

In 1990 le anglos esseva 41% del population de Los
Angeles.  Illes nunc es 32% del population total
angelin.  A causa de iste realitate demographic,
cresce le potentia politic del population de origine
mexican de Los Angeles.

In le electiones de 2001 un chicano, Antonio
Villaraigosa (ex-presidente del camera de
representantes del legislatura de California), de 51
annos de etate, se presentava con James Hahn pro le
position de burgomagistro de Los Angeles.

(Villaraigosa es un homine intellectualmente
independente e multo progressive.  Ben que ille veniva
de un familia catholic e es catholico, pro exemplo,
ille mesme appoia fortemente le derectos homosexual e
dice apertemente que le position del ecclesia catholic
sur le homosexualitate es completemente ultragiose e
que le ecclesia ha un grande responsibilitate pro le
persecution europee de homosexuales trans le seculos.)

Le election habeva duo partes.  In le prime parte, le
quantitate de votos pro Villaraigosa esseva 7% plus
grande que le votos pro Hahn.  Ma Hahn, un
angloamericano, ganiava le election final con 54% del
votos total, principalmente a causa de un appello
raciste contra Villaraigosa in le ultime dies ante le
election.

In despecto de iste politica de racismo, il es
probabile que intra 20 annos Los Angeles habera un
burgomagistro (e California habera un governator) de
origine mexican.

(Iste commentario es basate in parte sur un articulo
publicate in un magazin mexican, "Contento", in
decembre, 2002.)

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com