Cristian ha dicite:

ate:    Thu, 8 Aug 2002 06:37:48 -0700
From:    Dumitrescu Cristian <[log in to unmask]>
Subject: Re: INTERLNG Digest - 5 Aug 2002 to 6 Aug 2002 (#2002-200)

Car Stan,

  Mi attitude non esseva critic, como vos lo
percipeva:

> ...Io sape americanos de
> descension japonese qui non pote parlar un parola de
> japonese.  Es isto un fiasco?

  Io esseva solmente amusate de celle situation
estranie de "viceversa" con le femina romanian.

  Re vostre reaction de sympathia io es impressionate:

> Mais io es felice que tu ha recuperate rapidemente
> de tu injuria e sin complicationes de infection.

  Gratias! Et multo sanitate pro vos totes!

Amicalmente,
  Cristian
..................
Tu explication es acceptate.  Io ha un altere
conto similar a vostre.  Io habita Atlanta que
es in le region del Statos Unite appellate "The
South" (le Sud).  In iste region il ha un
accento distincte, in certe casos multo distincte.
A vices statosunitese in alter partes pensa que
le gentes in le Sud es toto rual, rustic e ignorante.
Mais isto non es le caso.  Mais si on parla con
un pronunciate accento del sud isto es tu primari
impression.

Ora, il face multe annos desde que io ha essite
in le parve citate de Decatur que es in le region
metropolitan de Atlanta. Io vadeva in un stationeria
pro comprar materias pro mi officina a casa -
papiro, io non rememora.  Totevia, post cercar le
stationeria pro alcun minutas, un juvene femina
me approcheva, e il esseva obvie que illa esseva
japonese de origine.  Tote le personas japonese
que io ha cognoscite, specialmente in le stato
de Utah ubi io habitava in mi annos de juventute,
parlava in un bon standard anglese.  Io non
esseva preparate pro lo que veniva del bucca de
iste belle juvene femina japonese.  Illo esseva
le plus distincte accento rural e rustic que on
pote trovar in le Sud.  Illo esseva totalmente
incongrue - mais comprensibile.  Illa ha essite
elevate in iste citate ubi tote su amicos e amicas
esseva del sud, e su parola esseva naturalmente
del sud. Io esseva amusate equalmente.

Un altere conto: Io cognosceva un therapista physic
in le hospital de veteranos a Brooklyn quando io
esseva un psychologo clinic practicante a la.
Illa esseva Chinese de Chicago.  Illa parlava
un standard accento american de Chicago. De
facto illa non appareva esser Chinese - possibilemente
un poco hispanic.  Nonobstante illa parlava
chinese fluentemente.  Illa e io a vices
saliva foras pro varie activitates in le citate.
Un vice illa diceva un conto a me:  Illa habeva
lassate alcun vestimentos a un lavanderia
chinese pro nettamento. Illa habeva retornate se
al lavanderia alcun poc dies postea pro recuperar
su vestimentos.  Quando le proprietario chinese
ha retornate del interior del lavanderia con
su vestimentos, il habeva un altere chinese con
ille.  Illes parlava in chinese.  "Que debe nos
cargar iste femina?  Illa appare multo ric."
Illa respondeva a illes in chinese "Il non es
multo polite de parlar in iste maniera con
respecto al costo in fronte de me."  Le
chinese esseva stupefacite!  "Nos pensava que
tu esseva de Puerto Rico!"

Cordialmente,
Stan Mulaik