Venerd́, 20 giu 2003, alle 12:47 Europe/Rome, Josu Lavin ha scritto:
> Omne catalan, etc. es obligate a saper espaniol, ma le espanioles
> hispanophone non ha ulle obligation de apprender catalan, etc.
>
> Isto non es a mi aviso joco munde, isto es un joco inmunde, ma
> acceptate per
> omne illes!
Quasi omne persona del mundo es practicamente obligate a saper anglese.
Hodie, si on non sape anglese, on non pote esser parte del mundo,
proque multe cosas es publicate e facite solo in anglese.
Isto non es un cosa juste pro qui non ha anglese como lingua maternal;
ergo anque pro me.
Ma in Italia nos dice que on deve "facer bon facie a mal joco" (fare
buon viso a cattivo gioco). Io cambiarea multe cosas in le mundo, si io
poteva.
Io anque initiava un projecto de creation de un nove lingua auxiliar,
possibilemente plus "mundial" que esperanto e interlingua. Interlingua
es perfectemente intelligibile ”sin studio previe" pro qui cognosce un
o plus linguas romantic, ma illo es multo difficile a comprender pro
qui non cognosce ille linguas (e io probava plure vices a dar un texto
in IA a qui cognosceva linguas como germano *e* anglese, sin successo);
Esperanto necessita que omnes lo studia un pauc ante comprender lo (e
in iste senso illo es un pauc plus "democratic"), ma illo comocunque ha
problemas: le cxapeletoj (^) como prime cosa.
Post duo o tres menses, le projecto moriva proque le participantes
solmente parlava de altere projectos e faceva quasi nihil pro le
projecto nostre. (Illo se appellava "Lingua Mundi", tu ancora pote
trovar alicun cosas con Google.)
Ille menses era importante pro me: io comprendeva que un lingua unic
pro tote le mundo non pote esser create. Simplemente, un lingua
(natural o auxiliar) semper essera plus facile pro alicunos e plus
difficile pro alteros. Esque isto es juste? No. E un lingua "auxiliar"
certemente non deberea haber iste problema, ma illo es inevitabile.
Assi, un lingua mundial non existe.
Tu pote pensar: io solmente vole crear un lingua pro le bascos proque
illes non vole usar le espaniol, non un lingua mundial. Certo, ma
bascos jam ha lor lingua natural, assi come catalanos ha lor lingua
catalan e sardos ha lor lingua sarde. Anque le sardos debe apprender le
italiano: Sardinia es un region de Italia. Ma illes ha lor lingua e lo
usa, sin troppe problemas. Certemente illes non vole que on dice que
"le sardo es un dialecto". Illes vole que on dice que "le sardo es un
lingua". Isto es lor indipendentia.
Forsan ille solmente face bon facie a mal joco, ma illes sape viver in
pace.
Ex lo que tu dice, il sembla que le bascos non sopporta le idea que
illes debe apprender espaniol. Ma proque? Esque illes apprenderea
felicemente le portugese, in loco de espaniol? O le francese? O le
anglese? O le cantonese? Io non crede. Si on es xenophobe, on es
xenophobe contra le espaniol, contra le francese, contra le anglese,
contra le esperanto, contra le interlingua e contra le romanica. Ma io
non crede que tote le bascos es assi. (Io usa le parola xenophobe pro
dicer "qui odia cosas estranier", non solo personas estranier).
Forsan tu deberea convincer le bascos qui "odia le espaniol" que le
lingua hodie non es un cosa politic. Le lingua, hodie, es un medio pro
comunicar con alteros.
Si io non cognosceva anglese, io non haberea multe amicos in omne
partes del mundo, anque ubi anglese non le lingua maternal (p.ex.
Finlandia, Germania, ...); si io non cognosceva espaniol, io non
haberea un car amica catalan; et cetera.
Apprender linguas es semper un bon experientia... e politica non es
bon. Ergo le linguas non pote esser cosa politic. :)
Mi 2 euro-cents
Daniele
--
Daniele Nicolucci (Jollino)
Network Admin on irc.discussioni.org
Sign my petition! http://www.petitiononline.com/yahoomac/
|