>Car Mario,
>Gratias pro tu message in anglese,
>forsan le proxime vice tu poterea
>servir de bon exemplo e traducer lo
>a Interlingua pro le amusamento del
>amicos del lista. ;-)

Car Jay,
io continua leger le anglese como mi consuete: sin pronunciar lo, in haste,
pro comprender al volo illo que suffice.
Io restara assi usque a mi ultime die!


>In quanto a Romanica e Latin, forsan
>ille trollificationes tosto finira con le
>vapor, e le traino passara al altere
>villa, ubi? Qui sape, forsan venira
>in circuito, exerce tu derectos de
>usar le "filtros" de email, ah quanto
>belle le serenitate e le simplicitate,
>simplifica simplifica simplifica tu vita,
>nonne? E toto pare melior, mesmo
>le anglese non enoia tanto :-) Heh!

Io non usa le filtros e io lege le messager per totos.
Mesmo isto es un gymnasio pro comprender le mundo in le qual io vive.

>Ma basta con le anglese e dice nos
>como va le vita in Treviso, nos hic
>in Nove Hampshire ha perdite un
>soldato jam al exercitios pro le guerra.
>Ille esseva un juvene de un villa non
>multo distante, ille poterea haber essite
>un de mi studantes, qui sape, alcun de
>mi studantes passate nunc es in le
>fortias armate... que pote on dicer?
>Le pace, le pace totos parla del
>pace quando face le guerra nonne?
>Un die il habera pace, ver pace e
>pro ille die io preca.
>
>Con salutes sempre,
>Jay B.

A Treviso a multe fenestras del casas on expone le bandiera del pace.
Un belle invention pro mediar con le proprie conscientia.

Mesmo nostre juvenos es con illes american in Afghanistan e non solmente
illac. Que dicer?

Io pensa al dictatores del fin del annos '30 in Europa. Si un Bush poteva
intervenir in illo tempore, probabilemente multe miliones de personas non
serea morite miseremente.

In le provincia de Treviso nos es ric pro tante cosas, mesmo de cemeterios
militar francese, anglese, statunitese, canadian, australian, e obviemente
austriac, german e italian. Io facera un visita a uno de iste cemeterios e
io precara pro totos. Mesmo illes era juvene e plen de ideales o de pavor.
Inutilitate?
Forsan!
Illes non ha habite le possibilitate de attender un responsa.
Nos ha le bon fortuna de viver ancora hodie e pertine a nos dar nos un
responsa.

Mario



_________________________________________________________________
Vinci la nuova Nissan Micra con MSN Messenger! http://www.msn.it/messenger/