Car amicos,
In principio io es favorabile al creation de un encyclopedia electronic
in interlingua.
Ma sia caute!
Ben que a prime vista le collaboration libere a un tal obra pote
parer attractive, il ha anque un latere periculose in le idea.
On pote imaginar se que personas con cognoscentias insufficiente
de interlingua produce e invia lor contributiones al paginas del
encyclopedia. Que facer pro impedir le publication de tal
contributiones?
Pro garantir que le contributiones es correcte, il me pare necessari
que le personas qui collabora a iste projecto, invia lor contributiones
lexical al paginas de Wikipedia solmente post un controlo e eventual
discussion in un gruppo de expertos de interlingua. De iste maniera
nos evita errores in le material de interlingua, nam listas con parolas
incorrecte noce al movimento de interlingua.
Salutes amical de
Piet Cleij