>Date:    Fri, 21 Feb 2003 16:08:55 +0800
>From:    =?gb2312?q?Sloby=20Lee?= <[log in to unmask]>
>Subject: Salute ab China!
>
>Salute a totos! Io so un nove interlinguista. io ha etate de 21
>annos. io me appella Li Hai. io incontrava IA in le web. in mi
>opinion, IA es un lingua vere util e facile (cata textolibro de
>francese e anglese dice que lor idioma es "un lingua difficile
>ma vere util). io haberea placer vos incontrar.
>Particularmente, si alcuno de vos es in China
>Mainland(excludiente Hongkong, Macau e Taiwan), me contra assi
>rapide como possibile. vamos contrar in telephono o persona!

Ben venite a interlng e interlingua, Li Hai.  Isto  es un
occasion importantissime.  Io crede que tu es le prime
chinese in China qui ha apprendite interlingua e ha communicate
con le mundo  de interlingua! Tu  nomine va esser rememorate
in le historia, si io non ha error.

Tu dice que pro te interlingua es facile.  Nos semper ha
habite speculationes super si o non interlingua esserea
facile pro chinese (e altere gentes qui non parla un
lingua de europa occidental).  Assi nos es curiose super
tu experientia in apprender interlingua.  Possibilemente tu
pote describer tu experientia in apprender lo.

Tu dice que interlingua pro te es utile.  In qual maniera?
Io crede que  personas apprende linguas pro reciper alque
de saper lo - un cultura, un accesso a un scientia, le
commercio, etc..  Que es le attraction de interlingua a te?

Esque tu sape altere linguas europee, como, per exemplo (p.e.)
le anglese, espaniol, francese?

Amicalmente,

Stan Mulaik