Eric Gibert wrote:

> Car Kjell,
>
> Si tu face un cerca super 'interlingua' in iste
> documentos, tu va trovar que sr. A. Rousset (io non le
> cognosce) proponeva al EU un projecto pro "le
> disveloppamento del applicationes practic del latino
> moderne (interlingua)". Ma le EU non ha respondite a
> su proposition. Alora A. Rousset ha facite un demanda
> de assistentia judicial pro un recurso.
>
> Assi io ha del curiositate super iste affaire.
>
> Qui es A. Rousset? Qual era su projecto/proposition?
> Qual es le situation de su action judicial?
>

Alteres pote certo corriger me in isto. Il sembla a me que Rousset es
le mesme persona qui habeva assatis grandiose ideas presentate per un
participante de Francia, un multo sympatic juvene dama qui apprendeva
interlingua con un enorme energia.

Ille non poteva venir ipse al conferentia a Zwolle, le prime
conferentia de interlingua in le qual ego participava.

Duo cosas es incerte. Il forsan es un altere persona e mi memoria es
false. Que iste Rousset es un altere.

Le altere es que alcun del participantes pageva a ille, via le
senioretta, partes, actiones (ego non sape qual parola es correcte de
usar) pro supportar le campania de iste persona.

Ego memora que ego era multo sceptic.

Kjell R