Subject: | |
From: | |
Reply To: | INTERLNG: Discussiones in Interlingua |
Date: | Sun, 12 Dec 2004 07:48:39 +0100 |
Content-Type: | text/plain |
Parts/Attachments: |
|
|
Deman es le 13 de decembro e le gente vivente in Svedia se collige pro
celebrar "Lucia" [lüs'ia]. Le ideal es que un belle juvena entra le
casa con un corona de candelas, illa es accompaniate per juvenas
escortante e un gnomo. Illa offere bisquitas de pipro (compara le
anglese gingberbread) e "cattas de Lucia" que es un pan ubi on ha
saffran in le testa. Le forma es - un poco - simile al symbolo sur le
clave de "commando" sur un computator Mac ! On bibe anque vino calide
speciate. Lucia es le initiation del Natal, le Yul (jul in scandinavo).
Hmm. Isto es le ideal. Le realitate es sovente que le juventute - e
plus avantiate in etate - imbibe un poco troppo de alcohol e es
incapace de facer un efficace labor. Salvo le Natal il ha duo periodos
o tempores que es incerte quanto a labor que on expecta, istos es Lucia
e le chassa a alces. In certe partes del pais toto quasi stoppa pro le
alces.
Ma Sancta Lucia, que es Isto es unn canto que on canta al mesme melodia
que le canto italian, ma le texto non del toto narra del barco sur le
baya de Napoli ma describe le die hibernal (que es plus tosto nocte).
Le nocte vade per passos pesante circum corte e casa, sur le terra
oblidate per le sol e subito illa sta al porta, le belle, luminose
Lucia. Illa dice a nos un meraveliose parola: "Le alba del die va
retornar!"
Considera, car amicos, que le die habera sur mi latitude solo 6 horas e
duo minutas deman, le 13 de decembre! Secundo le vetere calendario le
13 de decembro era le plus longe nocte del anno. Secundo le presente
calendario isto es le 21 de decembro.
Pro iste ration calendari il ha un massa de superstition in re le nocte
de Lucia. Diabolos e esseres magic es in action como un emotionante
passage in alcun del libros de Harry Potter e in vetere tempores le
population non osava dormir. E si on non pote dormir, on mangia e
bibe...
In mi infantia on pensava que omne le cosas, pupas etc, con le quales
le infantes joca, deveni vivente ille nocte. Al hora 12.
Resta me per consequente solo desirar a vos omnes un magic e agradabile
Lucia! Nonn bibe troppo! :-)
Kjell R
|
|
|