-----Oorspronkelijk bericht-----
Van:    Piet Cleij [SMTP:[log in to unmask]]
Verzonden:      vrijdag 28 februari 2003 21:52

Car amicas,

Jam durante un certe tempore le attaccas personal e toto immotivate de
Jacques Dehee contra alcun interlinguistas honorabile de iste lista me
irrita in alte mesura. Ben que io comprende que le amicos insultate se
defende contra le abracadabra confuse e stupide de un persona qui
sembla haber perdite completemente le ration, il non me pare sage de
continuar iste lucta sin fin. Continuar equivale a guastar le lista,
lo que va causar certemente le exodo de plure participantes.

Como alcun alteres jam ha scribite diverse vices in lor messages, on
debe esser consciente del facto que le lista INTERLNG es un lista pro
practicar le lingua interlingua. Illo non pote esser un medio pro
promover un altere lingua e pro scriber in iste altere lingua. Durante
plure menses senior Lavin nos ha presentate su Romanica. Bon e basta!
Nunc nos es al currente de toto. Nos ha nulle besonio de audir sempre
de novo le mesme melodia.

Vos me comprende: io es toto de accordo con le mesuras que Ensjo
intende prender pro salvar le dignitate e le valor de nostre lista.

Salutes amical de
Piet Cleij