Subject: | |
From: | |
Reply To: | INTERLNG: Discussiones in Interlingua |
Date: | Sun, 22 Feb 2004 08:58:16 +0100 |
Content-Type: | text/plain |
Parts/Attachments: |
|
|
Le autumno passate ego videva duo pueras in mi corte (le casas/edificios
de appartamentos) forma un corte). Le pueras era vestite in lo que ego
pote plus aptemente describer como un "burka" à la Afghanistan.
Ci in Svedia on ha habite alcun conflictos in re personas qui vole
portar le panno de capite; un juvene puera voleva lo portar in su labor
como jornalista de television.
Instructores in le schola ha protestate contra tal vestimentos que anque
coperi le oculos, viste que on in iste maniera, dice le protestatores,
non obtine contacto ocular con le alumnos.
Il ha naturalmente duo campos in Svedia. Un que pensa que on debe
permitter le panno a capite o altere symbolos religiose in le scholas, e
un altere campo que dice que tal varie symbolos solo funge como un medio
de disintegration in le societate.
Forsan Svedia es satis simile a Francia in le senso que illo es satis
centralisate.
On sole dicer que le summa de vitios es constante, e forsan on pote osar
dicer que le summa de libertates anque es constante. Ego ha legite que
svedeses in le Statos Unite ha habite problemas quando illes permitte a
lor infantes baniar se nude in le estate (il se tracta de infantes usque
6 annos de etate). In mi experientia isto es plenmente normal que
infantes usque 6 annos pote monstrar se nude a un loco de banio externe
(apud un laco o simile). Si il es un loco secludite anque adultos pote
baniar se nudemente.
In un gruppo de discussion in le qual ego participa on discute le
drecto/gaudio/benesser de ambular discalciate, a pedes nude, e ibi
scribe personas del Statos Unite que certe botecas/magasines non
permitte personas sin scarpas entrar in le establimento. Ci in Svedia
ego ha vadite a pedes nude multe vices e nulle persona presta attention.
Mi opinion personal es que il es plus practic si on non demonstra
symbolos religiose in publico, nam isto pote ducer a conflictos - il
habera sempre personas qui se senti obligate de "intervenir". In
Francia, dice le medios, juvene judeos ha essite attaccate per
equalmente juvene musulmanes. In un programma de radio que ego audiva,
on diceva que juvenas que le ambiente crede esser musulmanas, es
criticate o ridiculisate proque illas non porta le panno a capite.
Quante frequente o significante iste notiaias es, ego non sape. Si varie
symbolos solo es le cosa del individual, toto es in ordine, ma ego
personalmente crede que illo pote significar un disintegration del
societate.
Forsan varie paises pone le leges de "conformitate" a varie nivellos.
Como vos vide ego ha probate assumer un position objective e un position
subjective. Quando ego instrueva le svedese a adultos ego habeva in
alcun classes feminas con pannos a capite. Ego me recorda habite pensate
que illas me faceva pensar de mi granmatre qui viveva in le rural e
quasi sempre coperiva le capillos. Un plen hijab (que coperi tote le
corpore) es un cosa que ego nunquam ha vidite in un de mi classes.
Mi impression generalmente es que feminas es multo plus moderne e avide
a noviates que le viros. (Isto es un observation anecdotic!)
Amicalmente
Kjell R
|
|
|