Stanley Mulaik scribeva:

> Es tu profession lo que nos dice in america aquello
> de un 'educational psychologist'?

E Jay Bowks scribeva:

> il me placeva multo saper que tu es un educator,
> io anque es un instructor de schola.



Bon die Stan e Jay,

No, Jay, io non es inseniator, e Stan, io non crede que mi mestiero es
equivalente a "educational psychologist", ben que illo es forsan un pauc
ambes... io es "travaliator social". Educatores specialisate pote travaliar
con infantes qui ha importantes problemas de comportamento, qui ha patite de
mal tractamentos, personas qui ha handicaps(?) physic o mental; in breve,
omne personas qui ha problemas importante de adaptation social de alicun
sorta.

Nostre formation contine principalmente derecto general e social,
psychologia del disveloppamento, psychologia social, pedagogia, e
sociologia. Iste inseniamento non es universitari, sed es date in scholas
special e dura tres annos post le baccalaureato.

Il es sovente difficile transponer le systemas social e educational ab un
pais a un altere, proque illos es assatis differente, sed io spera haber
essite plus comprensibile in iste message que in mi previe. Si non, dice lo
me!

Amicalmente,

Loeiz.

[correctiones/suggestiones benvenite]