Subject: | |
From: | |
Reply To: | INTERLNG: Discussiones in Interlingua |
Date: | Wed, 31 Dec 2003 01:59:24 +0100 |
Content-Type: | text/plain |
Parts/Attachments: |
|
|
Le majoritate de vos ha probabilemente audite de Wikipedia, le
encyclopedia in-linea libere, gratuite e redigite per le publico. Le
version in Interlingua <http://ia.wikipedia.org/>, como le alteres
(inclusive le grandissime e popular version original in anglese)
actualmente non es disponibile in forma complete proque Wikipedia ha
suffrite defectos in plures de lor computatores que servi le paginas
web e le bases de datos.
Le Fundation Wikimedia, que es le organisation-parapluvia pro
Wikipedia e alcun altere projectos connexe, ora cerca donationes del
publico a fin que illes pote comprar nove servitores pro poter facer
fronte a fallimentos de hardware in le futuro sin que le sitos
dispare del rete.
Lor lettera demandante donationes in anglese es disponibile a:
<http://www.wikimedia.org/letter.html>. Io ha producite un traduction
in interlingua de iste lettera que se trova a:
<http://www.inlv.demon.nl/wikimedia/lettera.html>
Iste annuncio veni de facto un poco tarde. Le campania pro donationes
ha jam superate le objectivo original de collectar USD 20.000.
Totevia, personas sentiente compassion pro le phenomeno Wikipedia in
general e Wikipedia in Interlingua in particular pote ancora
considerar facer un donation. In un actualisation al lettera anglese,
le organisation Wikimedia promitte de facer bon uso anque del moneta
extra.
Alteremente, simplemente considera iste message un nova informative.
Cordialmente,
- Martijn
|
|
|