Il es interessante que le columnista debeva trovar se justo in Davos, in
Helvetia (Suissa, si vos vole). Mi memoria de iste pais - desde 23 annos
(tempus fugit) es que isto era un pais ubi on poteva fumar ubique, in le
ascensor, al officio de posta, in le banka etc. Jam a ille tempore isto era
interdite in pro exemplo Svedia.

Quanto al interdiction de fumar isto es interdite in restaurantes - on ha
particular areas ubi on pote fumar; personela in hospitales debe sortir extra
le casa e fumar al extero, si illes vole fumar - anque in le hiberno.

In Finlandia il rege un ancora plus stricte lege, si ego es ben informate.

Il es ben possibile que Helvetia, que probabilemente es membro del accordo EES
(que secura libertate de doana verso le UE) malgrado que non membro del UE, ha
alcun restrictiones al OMG:s.

Il es interessante que le organisationes de consumatores in le Statos Unite,
como Ralf Nader, non ha protestate contra le OMG:s.

Ego non cognosce le factos pro poter determinar si le resistentia europee
contra le geneticamente modificate organismos es un truc in le battalia
commercial o un cosa real.

Secundo le notitias in nostre radio de Davos le autoritates habeva un multo
hermetic controllo del personas qui poteva attinger a Davos, e il non ha multe
particular vias assi que isto era satis facile pro le autoritates. Il habeva un
die disponibile pro demonstrationes, como ego comprendeva.

In Svedia le Leva (ancian partito communista), le Socialdemocrates e le Verdes
= le ecologistas e le partito Centro (antea le agraros) es contra le eventual
guerra in Irak. Pro es le liberales e le Derecta (le conservativos).

Le UNO ha forsan un multo melior nomine in Europa que in le Statos Unite. In le
oculos de multe europeos le risco que le Statos Unite sembla inclinite a ager
extra le Nationes Unite es mal omine.

On parla de interessos del petroleo.

On parla del facto que Korea del Nord forsan tracta su cives multo plus mal que
S. Hussein, ma ille ha armas, e un multo forte armea. E Irak non es Al Qaeida.

Mi proprie opinion es que USA o mesmo USA con le UNO habera le grande problema
quando on ha jam occidite Saddam Hussein, si on succede facer isto. Tunc on
debe facer le pais functionar con un opposition multo disparate.

Il ha un massa de problemas. Es il possibile que le kurdos vole un stato
independente. Que dicera Turcia de isto? E Syria? E como con le musulmanes
Shi'a in le sud? Hmm.

On ha parlate de un plan como le occupation de Japonia sub MacArthur, ma ille
habeva un homogene populo. Le nove occupation post le guerra debe arrangiar le
cosas con un multitude de varie gruppos...

Kjell R