[log in to unmask] wrote:

>Que Dr. Gode ha includite le parolas in [ ] es e un
>curso e un beneficio. Io solmente los usa si illos es
>prototypos de tres linguas romance (con al  minus un de
>istos in le original tres de francese, italiano e
>espaniol/portugese).  E io usa alteros que es prototypos
>de tres linguas romance que ha essite oblidate per le
>linguas auxiliar cercate per Blair e que non esseva
>includite in su lista de particulas in [ ].
>
Io spera que io ha ben comprendite "curso" como "malediction" e non 
"curso" como in "curso de instruction".

Quanto plus io me occupa con interlingua, tanto plus io comprende le 
sagessa de Gode quando ille includeva variantes de parolas 
international, nam quando - al minus io - usa un lingua como ponte a un 
persona con un altere lingua quam mi proprie, io face un selection de 
tal parolas que io crede que ille comprende, e includente parolas 
existente in altere linguas auxiliar, como "ci" "ma" etc. ille 
demonstrava un vista practic que es refrescante in comparation a troppo 
de theoritisation.

Parlante interlingua a un esperantista, o a un auditorio ubi il ha 
esperantistas, il es natural que io va includer un massa de "sed" e "ci" 
tanto natural que io usara "spörsmål" e non solo "fråga" quando io vole 
parlar a un publico con personas danese qui forsan plus tosto comprende 
le "danisante" "spørsmål" que le purmente svedese "fråga" pro 
interlingua "question". Forsan il es le experientia que es decidente ci, 
e io percipe interlingua como un sorta de scandinavico international, si 
vos comprende le allusion.

Kjell R