Il es us surprisa de apprender que le majoritate de nos aqui a interlng
usa computers macintosh.  Io ha semper usate computers macintosh. De facto
io comenciava con un Apple IIe, alora un Mac Plus (que io ancora ha), un
Mac IIse, que io ancora ha, un Mac Quadra 650 (que io ancora ha), un
iMac 333, un iBook 500, e ora un iMac 800 con le schermo de 17 inches.

Que face nos con vetere computers que nos non ancora usa?  Illos ancora
functiona.  A mi casa io ha un linea DSL, un "router" (director de
messages DSL via ethernet a mi tres computers installate--le duo imacs e
le iBook), un "hub" (comutator) de ethernet.  Tote me computers, mi
vetere imprimitor laser HP4m, e un Epson 850, es connecte a tote le
tres computers per ethernet.  Io ancora retene installate le iMac 333
pro  uso de mi granfilias e granfilio quando illes veni a mi casa.  Illes
es multo active in le uso de computers.  Il es stupefacente a vider un
infante de 2 annos installar un CD in le lector de CDs e initiar le
computer, alora joca jocos in le web a Nick.  Computers es ora un
facto quotidien de lor vitas.  Assi quando illes veni a mi casa illes
vole jocar in le web. Assi io ha iste vetere computer pro illes.

Totevia, le Windows computers es multo plus popular e prevalente in
le Statos Unite.  A mi schola a Georgia Tech, alquanto un medie de
mi facultate ha computers mac e le resto computers windows.  Le chef
del schola ha computers windows, e isto ha tendite a impeller nos a
usar lo.  Io debeva obtener programmas como MacLink Plus Deluxe pro
converter documentos in Windows a documentos de macintosh.  Pro mi
processator de texto io ancora usa WriteNow e TexEdit Plus. Mais a causa
de Windows essente dominante, io debeva comprar a un bon precio a mi
universitate Word 98, que es un abomination a usar post usar tal
simple programmas como WriteNow.  Io ancora produce Confluentes per
WriteNow, con photographos tanto ben.

Io ha comprate a un precio pro educatores Adobe Acrobat 5.0, e ora io
usa PDF pro crear archivos a vender a alteros in le web.  Isto es un
multo utile proramma, como alteros ha notate.

Ben que mi nove iMac 800 con le schermo de 17 inches veniva con OS X 1.2,
io totevia usa OS 9.2. Il es plus conveniente a me a usar mi vetere
programmas e leger mi vetere documentos in OS 9.2.  Io ancora usa
vetere versiones de PowerPoint, ben que quando io comprava mi nove imac
io comprava un nove edition de Microsoft Office, solmente pro le
assecurantia de remaner alquanto currente in excambios con alteros.
Io non ancora ha installate lo.

Harleigh usa computers Windows a su bibliotheca public.  Io ha create
un version de su curso de interlingua in interlingua in e Windows e
Mac pro includer in mi CD de documentos de interlingua pro dar a novicios
in le Societate American de Interlingua.

Cordialmente,

Stan Mulaik