"Ben ben ben!" io me diceva a me mesme...

Hodie io habeva un multo belle idea...
Jam que le schola ha finite io trova
que le belle ideas veni plus tosto pro
me... debe esser alco a causa del fin
de schola? Io non sape, ma io sape
isto... Con le termino de iste anno
scholar io ha plus tempore a dedicar
a cosas de interesse personal e non
tanto implicate in le inseniamento al
schola. Ecce le belle idea...

Proque non haber un pagina web
ubi nos pote archivar filas mp3PRO
con le lection de textos in interlingua.
Pro exemplo le contos de Andersen
legite e disponibile pro audition al
web. Nos poterea reciper cassettes
de audio de voluntarios qui vole
leger textos e facer un lista del textos
que ille/illa lege e assi haber un belle
compilation de exemplos del lingua
parlate. Nos poterea anque includer
cantos e musica (cosa que le amicos
de Glosa jam face in su sito web) e
anque hymnos (cosa que le Espistas
jam anque face) ma nostre sito debe
esser plus litterari in mi opinion e haber
textos que un persona qui vole apprender
interlingua pote leger e audir al mesme
tempore. Isto esserea multo bon!
Vamos facer lo? Qui esserea preste
a leger un parve texto in un audio cassette?

Io ponera le donationes vocal al sito del
Interlingua.US usque un plus permanente
sito se pote trovar.

Ben ben ben,
Jay B.