Salute cordiale a omne membros.
Io me presenta brevemente.
Mi nomine es Jacques Dehée, sed le accento evidentemente non appare in
[log in to unmask]
Io, 58 annos, ha un filio (24 annos, technico) e un filia (21 annos,
studente in germano). Io esseva designator technic in Francia ma sovente
inviate a paises distante, in Europa, Asia e Africa con altere functiones.
Ora io vive in Aubergenville, un parve urbe proxime de Paris (40 kilometros
distante del capital), in le departimento del Yvelines, cuje urbe principal
es Versailles. Ora mi viages son infortunatemente plus rar e breve.
Io ha dedicate multe tempore libere al studio de linguas per placer.
Io trova le mundo extraordinari e io ama e respecta le altere paises que io
ha vidite. Io respecta anque lor linguas, malgrado le defectos que
characterisa omne linguas national o regional, defectos que comparti le
francese evidentemente. Nonobstante, io es fascinate per omne linguas. Io
ha apprendite le anglese, le italian, le germano, le espaniol, le russo, e
plus superficialmente le portugese (lingua magic que me incanta), le
bulgaro, le turco, le hindi e le occitan. Infortunatemente io non cognosce
le latino ni lo greco, etc.. Io esseva esperantista usque 1976, usque mi
marriage. Io crede ora que Esperanto es un lingua characteristic del dece-
none seculo, lo de su creation, un lingua incontestabile historicamente, ma
ora essentialmente historic.
Discoperiente Interlingua per Internet, io ha decidite de apprender e
practicar lo. Nove usator, io demanda vostre indulgentia.
Pro familiarisar me con le syntaxe de Interlingua e le uso exacte de su
parolas io ha comenciate in Word un dictionario informatic personalisate,
cuje entratas son le parolas de Interlingua sed associante progressivemente
a illos collectiones de phrases eligite in le ressources impressive del
multe sitos interlingual.
Extra linguas, io mi interessa in historia, astronomia e ... sport.
Amicalmente, Jacques.