STAN MULAIK wrote:

> Tu mention, Kjell, le Baccillo thurigiense
> israelense como un tractamento pro eliminar
> le "culices" o "mosquitos".  Io ha comprate a
> Home Depot (un grande magazine de hardware o
> quincalia pro le casa) alcun "biscuits"
> impregnate con le Baccilio thurigiense.  Tu
> mitte le biscuit in aqua circa le casa pro
> occider le culices in lor forma larval.  Io
> ha un systema de drainage al fronte de mi
> casa pro remover le aqua terrestrial de
> pluvios, e in illo, il sovente ha alcun
> residuo del aqua in que le culices pote
> elevar se.  Io poneva un biscuit in le
> systema.
>
> Nos es ora alquanto anxie super le culices
> a causa del Febre del Nilo Occidental
> que es un virus de aves que ha apparite
> in le vicinitate de New York desde alcun
> annos e ha expandite su region.  Le
> menacia es ora contra tote le statos in
> le est del SUA.  Le virus causa in certe
> casos damno al cerebro de humanos.  Post
> un longe siccitate, nos ha habite alcun
> pluvios, e le mosquitos ha crescite in
> lor numeros.

Isto es morbos del qual on solmente lege ci in
Svedia (felicemente). Ego ha audite de "cecitate
fluvial" ma isto sembla esser lo mesme que
tracoma. Que attacca le oculos e sembla esser
causate de - ante toto - mal conditiones hygienic.

E nos ha le bilharzia, le amebas, que forsan es le
plus diabolic. Lo amusante es que le parve conchas
que tene le parasite non vive in aqua stagnante.
Ego ha audite que on pote poner un situla con aqua
e lassar lo stante durante 20 minutas, e le
parasitas es morte. Si isto es ver piscinas de
natar deberea esser multo plus secur que baniar se
in le Nilo, si on vole isto!

Cellus