In Svedia le Autoritate National de
Taxas offere in iste annos le
possibilitate reportar le declarationes
(de invenito e expensa durante le anno)
electronicamente. Ille declaration de
invenito era in le passato facite le 15
de februario, ma desde alcun annos on lo
face le 2 de maio.

Pro le momento solo illes qui ha
"declaration simplificate" pote facer
isto. Le declaration simplificate es un
collection de invenitos e expensas que
le Autoritate de Taxas ha facite e le
declarante, le pagataxas, debe solo
firmar lo (scriber su nomine subtus).
Per un codice special on pote firmar le
declaration electronicamente e on non
debe per isto portar lo al autoritate de
taxas manualmente.

In annos passate il era quasi un
movimento popular livrar le declaration
si tarde que possibile, 23.59 le 15 de
februario, e il habeva enorme caudas
ante le cassas de livrar ubi le gente
poneva le declarationes. Omnes burlava e
on vendeva salsicias frite e cocite, e
toto se cambiava in un sorta de
carneval.

In mi opinion ille "festa" era un
escellente exemplo de pensamento
positive, proque le cive in general non
porta troppo benigne pensatas verso le
autoritate de taxas, coram le qual le
cive ante toto debe provar que ille es
innocente, non-culpabile. Pagar ante que
ille ha potite provar que ille non debe
lo facer.

Un un recente posta Stan scribe de
florescente arbores de fructo. Ha! Ille
es tres menses anterior de nos. Tal
cosas nos videra a mi latitude in maio
(si non in junio!). Promenar in le
vicinitate es un cosa que io face cata
die. Pro ir e facer le compras in un
supermercato.

Hodie, quando ego scribe isto, le sol
brila e il habeva - 2,8 grados C al 6
del matino. Le nive ancora resta, ma
toto promitte un belle die.

Cellus