Natal non es un festa trivial. Illo es
un festa eclectic e illo comencia in un
certe senso jam al prime dominica del
advento. Isto es le dominica quando le
plus grande numero de svedeses va al
ecclesia, nam il ha un multitude de
belle musica, cantos que omne svedeses
sape. Toto es multo christian. "Prepara
le via al Senior" on canta. Le advento
ha 4 dominicas. Pro cata dominica de
advento on accende un nove candela in un
special candelabro a quatro candelas. Al
quarte dominica de advento on ha quatro
candelas lucente.

Le 13 de decembre es le die de Sancta
Lucia! Isto es le opposito al festa del
mediestate, Sancte Johannes, in isto que
illo es tanto pagan - malgrado le nomine
- que isto.

Le origine es que le 13 de decembro
secundo le calendario Julian era le plus
longe nocte del anno, e mesmo como le
plus longe die era plen de superstition
etiam le plus longe nocte era plen de
estranie spiritos, toto ben integrate in
le christianismo.

On elige le Lucia. Illa es le plus bella
puera (juvena) e illa porta le corona
con le candelas e omnes es vestite in
longe camisas blanc, proque Lucia non es
sol, illa ha un suita de pueras e pueros
a stellas. Lucia con su suita canta al
publico, dona cafe e pan a lucia.

Le pan special a Lucia ha quatro
formationes spiral, le quales secundo
certe etnologos significa le quatro
rotas del vehiculo del dea Freia, Frö,
le dea de fertilitate.

Le festa de lucia comencia de multo bon
ora in le matino (o nocte), al hora sex
preferibilemente, e tunc il dura ancora
2 horas e 40 minutas ante le levar del
sol in mi parte del pais.

A Lucia le juvenes bibe (troppo) multo.
On canta non solo le canto a "Sancta
Lucia" que ha le melodia como le canto
italian, ma un totalmente altere texto.

In dece dies nos ha le Vigilia de Natal.
Tunc nos mangia multo. Luther ha
liberate nos del jejuno, assi que nos
mangia le porco e grasse carne jam al
initio. Le gado sec e le pappa de ris,
le plattos de parade, non es multo amate
del humanos moderne, ma multes lo
nonobstante devora. Traditiones es
importante.

Il es in le Vigilia de Natal que le
infantes svedese recipe lor donos del
Gnomo Natal (nostre responsa al Santa
del Statos Unite). Historicamente le
gnomo era un entitate qui protectava le
ferma del agricola e al nocte del
vigilia on dava le pappa a ris al gnomo.

Con le influentia del Statos Unite, le
gnomo de natal ha devenite sempre plus
grande e sole nunc dicer ho ho ho! in
vice del traditional - probablemente
solo centos annos de existentia - "Esque
il ha bon infantes ci?"

Ah, io diceva que le infantes recipe
donos. Le parola svedese significa in
traduction litteral "batto/frappo de
Natal". Le initio era breve epistolas
con un contento joculose o scabrose
(semi-obscen) que on jectava in le casa
del agricola e postea on fugiva foras,
multo rapido.

Ma multo rapido le "battos de natal" se
formava a presentes ordinari.

Le personas qui post le mangiar de
vigilia ha le fortia, pote ir al eclesia
le die sequente. Le missa es un servicio
a multo bon hora. In vetere horas al 4
del matino, nunc al 6 o 8 del matino
(que in facto ancora es nocte).

Ah, antea le Gnomo de Natal poteva etiam
esser le Capro de Natal. Le capro de
natal donava le donos.

In mi infantia le Gnomo de natal, le
Santa non del toto usava rennos
(rangifer tarandus) sed capros. Forsan
ille es un reinactamento del deo
principal de Thor apud le vikings.

Ma le 25, le ver die de Natal???
Generalmente on es troppo fatigate pro
facer algo. In vetere tempores toto era
claudite in iste die e nos infantes non
habeva le permission visitar nostre
camaradas vicinos.

Le credentes festa naturalmente le
nascer de Jesu Christo. Illes qui ha
altere credentias festa altere cosas.

Multes dice: "Le natal es troppo
commercialisate".

Un estranietate es que le cantos de
Natal in Svedia non es solo religiose,
il existe etiam cantos profan, in le
qual on canta del gaudio que il es natal
e on pote mangiar multo.

Capronaltalmente

Cellus