Subject: | |
From: | |
Reply To: | INTERLNG: Discussiones in Interlingua |
Date: | Sat, 18 Jan 2003 13:45:57 -0800 |
Content-Type: | text/plain |
Parts/Attachments: |
|
|
Secundo le magazin britannic "The Economist" (14-20
decembre 2002) le companias japonese NEC e Toshiba
nunc ha disvellopate le technologia que permitte
decenas de gigabytes de immagazinage sur dischettos
compacte DVD.
Un systema nominate Blu-Ray permitte le immagizage sur
un dischetto compacte de unes 27 gigabytes. E le
japoneses crede que eventualmente illes potera
augmentar iste capacitate a 50 gigabytes.
Post que iste technologia se establi e deveni tan
economic como le technologia de dischettos compacte
currente con un immagazinage de 0.6 gigabytes, on
poterea enregistrar sur un sol dischetto bibliothecas
de textos assatis grande, ma (ma naturalmente non tan
grande como le collectiones de bibliothecas
uiversitari o national immense).
Io crede que omne nos qui pote facer isto debe
travaliar verso le objectivo de includer omne nostre
bibliographia in un depositorio electronic facilemente
accessibile a omnes sur un de iste dischettos.
Con le capacitate de Blu-Ray on poterea mesmo
photocopiar electronicamente multe libros producente
images clarissime, como in le melior de microfiches.
Forsan iste maniera de enregistration esserea plus
simple que le conversion de textos a in formas
digital, como, pro exemplo, documentos de HTML.
Naturalmente, io crede que nos debe persequer omne
nostre optiones de immagazinage e distribution. Io
mesmo ha travaliate verso iste objecto con le
ressources modeste accessibile a me.
__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com
|
|
|