Car amicos,

< Proque iste parola (hegemonia) non existe in interlingua? Io non lo vide
in Babylon o in altere dictionarios (!)>

Iste question demonstra un miscomprension fundamental. Illo exprime le idea
que le existentia de un parola in interlingua dependerea de su registration
in le I.E.D. o in un altere dictionario. Ma iste registration non es le
criterio. Le ver criterio pro un parola de interlingua es su existentia in
al minus tres del linguas fonte de interlingua (anglese, francese,
italiano, espaniol/portugese). Secundo iste regula "hegemonia" es un parola
de interlingua, como Stan demonstra in su reaction al remarca initial de
iste message.

Il ha multe milles de parolas de interlingua que on non trova in le I.E.D.
Iste absentes non jam ha essite registrate (i.a. multissime parolas
scientific e technic) o illos es trovabile in altere dictionarios que le
I.E.D.
"Hegemonia" es in le dictionario Portugese-Interlingua de Bordignon, le
dictionario Interlingua-Svensk de Stenstrom, le dictionario
Interlingua-Dansk de Breinstrup, le dictionario English-Interlingua de
Gopsill, in le dictionario Interlingua-Nederlands de Cleij, in le Lista
Supplementari de Cleij.

In mi "Woordenboek Interlingua-Nederlands" io ha notate:

HEGEMONIA, sub.
1. (Gr. Gesch.)  hegemonie, militaire en politieke overheersing van een
staat in een statenbond. EX. Sparta aspirava al - super tote le Grecia =
Sparta streefde naar de hegemonie over heel Griekenland.
2. opperheerschappij, macht, leiderschap, overwicht, hegemonie. EX. -
militar = militaire hegemonie. EX. - economic = economische hegemonie. EX.
- naval = hegemonie op zee. EX. conquirer le - mundial/del mundo = de
wereldheerschappij veroveren. EX. lucta pro le - in le mundo = strijd om de
hegemonie in de wereld

HEGEMONIC, adj.
mbt hegemonie

HEGEMONISAR, verbo
onderwerpen aan de hegemonie (van een groep/van een klasse, etc.)

HEGEMONISATION, sub.
onderwerping aan de hegemonie (van een groep/van een klasse, etc.)


Salutes amical de
Piet Cleij
www.interlingua-nl.com