Le 9 Dec 2002 18:42:22 +0100, Mario Malaguti scribeva:
>Solmente 20 minutas postea Natalina controllava le somno de su Riccardo e le
>puero non respondeva plus a su mamma. Ille era jam frigide. Un rar caso de
>morte blanc, il pare.

Isto es le incubo le plus grande de tote le parentes. Innumerabile es
le vices que Marie e io controlava le respiration de Cassandra (ora 5
1/2 menses) de novo e de novo. Babies dormiente pote respirar
inaudibilemente.

>Ab mi vetute studio professional on me telephonava al prime horas del
>posmeridie. Incredulitate e totevia realitate.
>Hodie on procede con le autopsia. Un altere aspecto tremende, io crede. E un
>suspicion: le die avante le puero, con altere 80 pueros, recepiva su prime
>vaccino. Qui sape?

Le dilemma eterne con le vaccinationes es que illos causa sempre un
certe risco, mais le risco de non vaccinar es statisticamente multo
plus grande. Fortunatemente, Cassandra non ha respondite de modo
grave al prime duo vaccinationes, malgrado que illos esseva
evenimentos extremenente displacente al infante e al parentes.

>Io non ha trovate le courage de contactar Natalina. Io time de non haber
>parolas apte a iste su situation.

Il non existe parolas apte pro tal situationes. Io crede que, in tal
situationes, ascoltar e esser sincermente disponibile communica plus
que tote le parolas del mundo.

Solmente un pensamento,

- Martijn