d[010207] x[Allan Kiviaho] KivA-127
s[Re: Bandieras e patriotismo]
[log in to unmask]
Ferenc Jeszenszky - [log in to unmask]
---------------------------------------------------------------
Jay Bowks 010206: Io solmente me oppone al idea del
nationalismo cec. Io non ama necun pais o nation de iste mundo.
Mi amor es pro un altere Regno e illo non es de iste mundo.
---------------------------------------------------------------
Isto es un question difficulte moral e philosophic.
Pro me le cultura e LINGUA de un nation son supreme
valores que on debe defendar al extremitates.
Le ex-presidente del Republica Finlandia, Mauno
Koivisto, diceva:
"Un nation sta e cade con su lingua!".
Mauno Koivisto es un de nostre heroes de guerra.
Ille luctava in le plus famose compania del armea
finlandese durante le guerra 1941-44; in le compania
del chassatores del 1e division de infanteria, "le
compania Törni". Lieutenant Törni a primo se inrolava
in Germania a un battalion del Waffen SS que
consisteva de voluntarios finlandese.
(Multe statouniteses trova le parola "Waffen SS"
horribile. Sed le majoritate de unitates del
Waffen SS habeva nihil a facer con le crimines del
"Allgemeine SS". In 1943 le battalion finlandese
retornava a Finlandia post habente battaliate i.a.
al rivo Terek in Czeczenistan (!). In Finlandia le
soldatos de Waffen SS participava al battalias
furiose in 1944. Post le guerra nulle ex-soldato
finlandese del Waffen SS era accusate per le Union
Sovietic pro crimines de guerra. Sed como un gesto
symbolic le sovietes demandava que un persona debe
passar 10 annos in le campos de concentration in le
Union Sovietic. Iste persona era subofficiero
Parvilahti. Ille superviveva le terrores del URSS.
Retro in Finlandia ille scribeva duo libros:
"Berijan tarhat" (Le jardines de Beriya) e
"Terekille ja takaisin" (A Terek e retro). Le
Bundeskanzler Konrad Adenauer, que era un estimate
persona inter le duces del west, diceva: "Die
Soldaten der Waffen SS waren Soldaten wie die
anderen" (Le soldatos del Waffen SS era soldatos
como le alteres"). Multe generales eminente de
altissime rangos del Waffen SS non era accusate
per le alliatos pro crimines de guerra, como
Sepp Dietrich, Hausser e Steiner (le commandante
del division "Viking", le division del battalion
finlandese).
Quando le guerra se rumpeva de novo inter Finlandia
e le Union Sovietic in 1941 lieutenant Törni se
hastava a Finlandia ubi ille faceva con su compania
prodessas heroic incredibile. Post le guerra ille
cambiava al Statos Unite. Etiam in le SUA ille
(major "Thorne") deveniva un hero. Ille dispareva in
Vietnam como un major de Beretes Verde (mi filio es
etiam un commando, un "Berete Verde" e membro de
fortias del 'Displicamento Rapide' - Force of Rapid
Deployment) e on ha trovate solmente recentemente su
corpore in jungla vietnamese.
Vide
http://www.mikkeli.fi/opetus/paamajakoulu/mannerhe/risti.htm
le chevalieres del Cruce de Mannerheim
[144] Ltn TÖRNI Lauri Allan 09.07.44
(Le Cruce de Mannerheim era le plus alte decoration in le
armea finlandese durante le guerras 1939-45)
-------------------------------------------------------------
The Forum: Re: Waffen SS soldiers in the US army?, T. Kossila at
1/07/2000 23:
Re: Waffen SS soldiers in the US army? [ The Forum ] Written by T.
Kossila at 07 Jan 2000 23:39:44: As an answer to: Waffen SS soldiers
in the US... URL: www.us.parsimony.net/forum27383/messages/145.htm
- Last modified on: 7-Jan-2000 - 4K bytes - in English (Win-1252)
-------------------------------------------------------------
HELSINGIN SANOMAT - International Edition - weekly
DNA testing to resolve the fate of "Larry Thorne" By Irma
Stenbäck. The riddle of what happened to Larry Thorne may be
finally unravelled through DNA...
URL: www.helsinki-hs.net/thisweek/38011999.html - Last modified on:
30-Sep-1999 - 7K bytes - in English
-------------------------------------------------------------
Lauri Törnin Kunniakilta
Lauri Törnin Perinnekillan sivuille. ...
URL: www.kirjapainografia.fi/torni/ - Last modified on:
21-Apr-2000 - 793 bytes
-------------------------------------------------------------
The Vietnam Memorial Wall - Panel 02E
Vietnam Memorial Panel 02E...
URL: www.geocities.com/CapitolHill/Senate/9133/epanel02.html
- Last modified on: 20-Apr-2000 - 90K bytes
-------------------------------------------------------------
Finland Did Not Capitulate
A reprint of an article that appeared in the magazine ...
URL: www.kaiku.com/notcapitulate.html - Last modified on:
12-Feb- 2000 - 9K bytes - in English
Presidente Koivisto serviva como un "pikakiväärimies"
("rapid-fusil-viro", i.e. un mitraliator legier). Ille
usava un mitraliatrice legier sovietic, Degtyarev,
que era appellate "Emma" per le finnos.
Vide:
http://channels.microsoft.com/games/closecombat/R3.htm
Le "Emma" era multo popular inter le soldatos
finlandese proque ille era multo secur e habeva un
magazin de 47 cartuchas (le correspondente arma
finlandese, "Lahti-Saloranta", habeva solmente 20
cartuchas).
Le magazin del "Emma" era un platta horisontal,
appellate "platta de pan" per le finlandeses.
Le companienos de Koivisto usava le magazin del
mitraliatrice de Koivisto como plattaforma pro
joco de cartas.
In 1993 le mitraliatrice de Mauno Koivisto deveniva
multo famose. Al fin del guerra contra le Union
Sovietic in 1944 grande multitudes de armas era
celate in omne partes de Finlandia pro guerrillas in
caso le Union Sovietic haberea attaccate post le armea
finlandese era demobilisate. In 1993 le mitraliatrice
de Mauno Koivisto era trovate e illo es nunc in le
Museo Militar in Helsinki.
==========================================
Sed nostre historia es multo controversial
==========================================
La sposa de presidente, sra Tellervo Koivisto, es
filia de un guardista rubie.
In 1918 nos habeva un terribile guerra civil. Un
multitude de rubies capturate era executate in
nostre campos de concentration.
Infantes "rubie" que habeva perdite su parentes era
transportate in trenos, in carros de bestias circum
Finlandia. Le trenos faceva halto a stationes ubi
paisanos seligeva servos pro se inter le infantes.
Un vetule seniora rubie narrava in le Television
Finlandese como il era viver como un parve infante
rubie orphanate inter le blanches victoriose. Quando
illa comenciava su schola la inseniante demandava le
profession de patres de omne infantes. Al fin la
inseniante demandava la puella rubie (ben sapiente
que le patre del puella era arquebusate): "E que
face TU patre, Anna?".
Parve Anna: "Lahtarit tappoivat!" (Le macelleros
assassinava). Omne infantes se rumpeva in forte e
malitiose risada.
Le rubies appellava le blanches "macelleros".
In le armea rubie finlandese era centos le puellas
inter 15-20 annos. Multo grande percentage de puellas
capturate era arquebusate "pro assecurar que iste
'fetos de diabolo' non poterea parturir plure rubies".
Forsan 25 000 - 40 000 rubies capturate era
arquebusate. Le numero es incerte proque multe rubies
escappava a Russia ubi multes cadeva como victimes al
terror de Stalin.
Nostre ex-presidente, celebre e famose Urho Kaleva
Kekkonen, era in le guerra civil un commandante de un
peloton de arquebusatores...
Le commandante del armea blanc, general Carl Gustaf
Emil Mannerheim, plus tarde marechal de Finlandia e
hero national, vide
http://www.mannerheim.fi/
faceva consiliation formal con le socialdemocrates
alicun annos ante le guerra hibernal (1939-40). Le
attacco brutal del Union Sovietic faceva mesmo le
grande majoritate de communistas patriotas
finlandese. Sin nostre "rubies" Finlandia haberea
essite tosto perdite.
===============================
The Russians are coming - again
===============================
1 200 000 soldatos russe non poteva subjugar Finlandia
in 1939-40 con su carros armate, artilleria, aviones.
Sed AD 2000 1 400 000 touristas russe facilemente
occupava Finlandia con su roubles e dollares.
Finlandia ha jam 50 000 russos habitante
permanentemente in Finlandia e on audi russo parlate
plus sovente quam svedese in le stratas de
Helsinki ...
E nos vole plus russos proque le industria electronic
desperatemente besonia plus specialistas de
electronica e infotechnica.
Le relationes inter Russia e Finlandia son amical e
tranquille - le guardafrontieras russe appella le
frontiera russo-finlandese "le frontiera civilisate".
Sed nos son ancora suspiciente e trainar quasi omne
puero e nunc etiam multe puellas a soldatos.
Salutante
Allan
|
