01/02/02 21.29.04,         STAN MULAIK <[log in to unmask]> ha scritto:

[...]

> Mais le resolution de iste problemas non
>essera facile, mais al minus le burgomaestrice pare inclinate a
>facer lo que debe esser facite pro salvar le citate.

Qual insolite forma feminin de burgomaestro!

Io vide que le forma masculin in -ator o -itor e le feminino -atrice, -itrice es possibile ex un derivation del verbos; per
exemplo: imperar> imperator, imperatrice; consumer> consumitor, consumitrice; expedir> expeditor, expeditrice; ager>
actor, actrice, etc. An il existe in interlingua un verbo "burgomaestrar"?
Un forma regular poterea esser "burgomaestratrice", sed il existe jam burgomaestro e non "burgomestrator"

In italiano le parola "borgomastro" significa: burgomaestro del administrationes del nationes germanic o nordic. Le Italiano
non ha un forma feminin de iste parola, sed le parola proveni ex le antique germano "burgemaister" ex le latino magistro:
maestro, e in italiano magistro ha devenite maestro como in interlingua. Le italian forma feminin de "maestro" es
"maestra" . Alora, proque non usar: burgomaestra? Le parola me pare possibile in interlingua, sin cercar formas
complexe!

In italiano si il non existe un forma feminin, on pote usar: le seniora burgomaestro, le seniora ministro, etc.

Luca Ghitti