In le jornal _Science_ le 24 de septembre 2001 il ha un articulo
possibilemente de intresse al francese e scientistas:

"Gruppo Francese Critica Ph.D. Sociologic Date Astrologo"

"Un gruppo interdisciplinari que battalia le pseudoscientia ha
jungite un choro de scientistas criticante le conferimento del
diploma de Doctorato de Philosophia per le Sorbonne al astrologo
le plus famose de Francia."

In april, Elizabeth Teissier esseva conferite un doctorato "con
distinction" in le sociologia pro un obra de 900 paginas super le
attitude de societates "postmoderne" verso le astrologia (_Scientia_,
le 27 de april, p. 635).  Ambe le astronomos e le sociologos
comenciava un ruito de protesto contra le conferimento, e le
Association Francese del Information Scientific selectionnava
un gruppo investigative a revider le these.

Su reporto, revelate iste mense, ride multo le these de
Teissier, dicente que illo es permeate con errors, misinterpretationes
del theoria sociologic, ignorantia super le astronomia, e 'ampullose...
e frequentemente incomprensibile" prosa.  Le scientistas conclude
que su effortio es nihil altere que un reiteration del astrologia
e "non es a alcun puncto, in qualcunque maniera, un these del
sociologia."

Le advisor del these, sociologo Michel Maffesoli del Sorbonne,
ancora defende su obra.  Maffesoli, qui es le chef del "Centre
d'Etudes sur l'Actuel et le Quotidien" (Centro de Studios super
le Actual e le Quotidian), dice que le gruppos presidente, Bernard
Lahire, un sociologo al Ecole Normale Supérieure de Lettres et
Sciences Humaines in Lyon, representa solmente un schola del
sociologia e non es capace a facer judicio super "lo que es e
lo que non es le sociologia."  Le opiniones del astronomos, ille
adde, es irrelevante al subjecto.

Mais Denis Savoie, un membro del gruppo e un historico del scientia
al Palais de la Découverte in Paris dice que ille spera que le
universitates francese va eveliar se al precio que iste "affair
disastrose" ha costate de lor credibilitate.

Traducite per Stan Mulaik