>From: Newton Ramos-de-Oliveira <[log in to unmask]>

>. . . . . diceva "lassa crescer mille flores". In interlingua on ha
>mille flores! Vero: un del avantages magne e positive de Interlingua >es su
>overturas. . . . . .

>Ramos-de-Oliveira

Tu debe haber securmente ration, car Amico!
Le tempore del prohibition de parlar italian in Brasil inter emigrantes
italian debe esser terminate. O es terminate le emigration, pro bon fortuna.
Io considera le orthographia simplificate, como anque le "dictatura del
semper equal", e mesmo le "idioleto", del qual io debe facer un bon uso,
etsi non voluntari.
Totevia io poterea demandar me: que necessitate ha io de utilisar, o tentar
de practicar, interlingua si, pro un motivo o pro un altere, al fin io
incontra plus versiones que, in bon substantia, diminue le function mesme de
"UN" lingua international?
Si mi "idioleto" me permitterea le render italian mi interlingua, perque io
non simplifica toto e usa directemente mi lingua matre?
Isto serea, securmente, un extremisation (situation extreme), io convene in
isto. Lo era mesmo le dispositiones legislative brasilian reguardo al
italiano parlate inter le italianos residente.
Totevia qual es le puncto al qual le "idioleto" deberea facer halto?
E pro non professar le "dictatura del semper equal", qual serea le puncto
que me permitte, o non me permitte, de apportar mi capricciose (ab le
musical capriccio) inventiones del tipo de ego pro io?
E pro le orthographia, selige io un strata? O me es sempre possibile
utilisar un tipo o un altere de orthographia, etsi in le mesme texto?
Io trova que illes qui professa le esser tolerante, a vices admitte le
initio del fin, o in realitate non es tolerante.
Mesmo si tu mira a viver in pace tu non pote practicar le tolerantia perque
illo porterea al arbitrio, que non es bon tutor del pace. Isto in general.
In conclusion nos pote scriber continuemente reguardo iste themas, como nos
poterea tentar de practicar le forma orthodoxe de Interlingua e, in iste
ultime caso, probabilemente nos tutelarea majormente Interlingua e mesmo
nostre exigentia de viver in pace.

Que intende io? Solmente haber un lista ubi on pote practicar Interlingua.
Illo orthodoxe, naturalmente, in le limite de mi personal capatitates.

Ciao,

Mario






_________________________________________________________________
Chiacchiera con gli amici online, prova MSN Messenger:
http://messenger.msn.it