Sender: |
|
X-To: |
|
Date: |
Fri, 8 Aug 2003 14:44:27 +0200 |
Reply-To: |
|
Subject: |
|
MIME-Version: |
1.0 |
Content-Transfer-Encoding: |
quoted-printable |
Content-Type: |
text/plain; charset="iso-8859-1" |
From: |
|
Parts/Attachments: |
|
|
Salute omnes,
Io es fer de poter annunciar que il ora ha un dictionario orthographic ("spellchecker") de interlingua pro OpenOffice.org. Illo contine 26730 parolas + omne possibile inflexiones de illos.
Iste obra se basa sur le dictionario pro Ispell, elaborate per Peter Kleiweg, al qual io vole exprimer mi profunde gratias. Le base de parolas es le mesme: Interlingua-English Dictionary de IALA + le Addenda al lista de martio 1997 del vocabulos de Interlingua de Piet Cleij, ma le regulas de derivation ha essite completemente revidite.
Le sol inconvenientia es que OpenOffice.org non cognosce que il existe un lingua nominate "interlingua", alora on debe installar le dictionario sub nomine de un altere lingua. (Io lo appella "italiano".) Ma io va essayar convincer le developpatores de adder interlingua in un version futur.
Que es OpenOffice.org?
OpenOffice.org es un pacchetto de software libere, que es un alternativa a per exemplo Microsoft Office. Illo contine le applicationes essential, como un processor de parolas, folios de calculo ("spreadsheet"), un programma pro facer presentationes, e un programma de designar.
Le processor de parolas pote e leger e producer documentos in le formato ".doc" de Microsoft Word.
OpenOffice.org es absolutemente gratis, e es disponibile pro le platteformas Windows, Mac OS X, Linux, e Solaris.
Le pacchetto OpenOffice.org pote esser cargate de iste pagina:
http://www.openoffice.org/dev_docs/source/1.1rc2/index.html
Le dictionarios se trova hic:
http://lingucomponent.openoffice.org/download_dictionary.html#spelling
Con le optime salutes,
Ove
|
|
|