In le edition de iste septimana de Newsweek, le principal articulo
esseva super le extension a que americanos ha debito personal.
Le articulo esseva titulate "Are  you maxed out?" (Es tu a tu
maxime?).  Le articulo indica que in 1994 le per centage de
renta personal dedicate a repagar debitos esseva 11.9% e in
2001, illo es 14,4%.  Le amonta de renta sparniate in le banca
a decrescite de 12% in 1982 a circa 1% hodie. Le medie debito
personal de cartas de credito es $8.123.  Multe americanos dice
que illes non analysa multo lor renta e debitos e crede proque
in multe casos lor renta es $100.000 per anno que $8.123 non
es grande.  Mais il ha alcun familias con rentas de solmente
$40.000 que ha un debito de cartas de credito de circa $10.000,
e illes es in periculo si le economia continua a decrescer e
illes perde lor empleo.  (Io usa cartas de credito, mais io
paga le costo immediatemente al fin del mense. Io ha necun
debito de carta de credito.  Mi filio secunde qui habeva multe
debito de carta de credito, ora ha destruite su cartas de
credito).  (Cartas de debito non es semper acceptate per
americanos proque il non ha le mesme protectiones contra le
fraude que le cartas de credito ha).

Stan