Aender dos Santos wrote:

> PRO QUE UN LINGUA INTERNATIONAL?
>
> Le communication, le possibilitate de cambiar cognoscimentos e experientias, sin dubita, esseva le principal arma que habeva servite al humanitate in su lucta propter le evolution. Nostre fragilitate corporal esseva supplantate per nostre intelligentia e creativitate, cuje fructos un esser human poteva passar a un altere per le linguage.

Affectionato (aficionado) al theorias de comspiration como ego es, le idea de un vermente successose lingua international es un excelente combustibile a tal theorias.

Imagina! Nunc es le die quando nostre favorate lingua international functiona ubique. Isto significa que nos, cata uno, es liberate de nostre governos. Nos pote viagiar e travaliar ubique in le mundo. Le lingua al minus non es un problema. Mesmo si le leges ancora es facite in le linguas national un advocato pote facilmente viagiar a un altere pais e establir se como experto in le leges de su pais de origine. Instructores de geographia, chimia, physica e mesmo historia cambia facilmente pais e insenia....

Le question es: Esque "nostre" governos vole isto?

Pro le momento un del cosas que retene le population es le lingua e lor domos!

Quando le emigration de Svedia al Statos Unite culminava il habeva tote regiones le quales deveniva vacue de population. Totes viagiava al Statos Unite, malgrado le difficile lingua. In ille tempore se fundava le Societate pro le Conservation del Svedicitate".

Il es interessante de que le governo pensarea si omne humanos poteva lassar le pais e laborar, ubi le salario era le optime! Volerea on isto? Ego crede que _no_, e ecce un del causas pro le qual un lingua internaional neutre, del typo interlingua, nunquam habera supporto international.

Eventualmente un lingua international pote esser introducite del basso, ma non del supra, assi como ego comprende le cosa.

E in iste caso ego non del toto tange le problema logistic de introducer un pro exemple interlingua in le Union Europee in le cursa de 7 annos (pro solo dar un exemplo).

Kjell R