Car amicos,
Le sito official de UMI ha registrate circa 36000 visitas
durante le medie anno desde le installation del nove
contator. Isto es 200 visitas per die. Ante le 24 de junio 2002
duo previe contatores habeva monstrate plus que 200000
e il es regrettabile que le contar es interrumpite. Lassa le
contator continuar in le nove edition del sito, le qual nos
expecta in 2003! O si isto non es possibile, mentiona
apud le contator de numero de previe visitas.
Le lista de adresses es lontan de esser complete,
Solmente un exemplo, que io ha trovate hodie:
Le URL sequente deberea esser inserite intra le ligamines
in www.interlingua.com e www.interlingua.nu .
Illo es in svedese e publicate per le traductor Bill Leksén
de Stockholm.
Un remarca general: Multes del sitos in Interlingua besonia
actualisation. Alcunes mesmo non functiona plus, isto es lo plus mal.
Si sitos remane incambiate durante longe tempore
visitantes simplemente non reveni. Un exception esseva le
sito de Alf Karlsson, Svedia, que esseva actualisate quasi cata septimana,
plen de photos bellissime e noticias cultural interessante.
Regrettabilemente le publicator, pastor pensionate, lo ha cancellate.
Pro attinger un numero satisfactori de visitantes le existentia del
sitos debe esser vastemente annunciate in le "motores de cerca"
e in omne brochures e informativos imprimite. Il es un arte
trovar "parolas clave" captivante que pote ducer a nostre sitos
les qui es potentialmente interessabile. "Lingua international, auxiliar etc"
non suffice. "Lingua rationalisate", "grammatica minimalisate",
"communication transnational" e titulos de textos scribite in le lingua.. etc., etc.
Io sape que Ensjo e Thomas Breinstrup ha listate tal "seductivos".
Continua seducer le publico!
Usa alcun horas de vostre vacantias circum le dies festive pro
gauder del multe informationes que se cela in le sitos in "le
belle lingua international", como dice Jay Bowks!
Ha vos vidite le paginas de Alyssa St.James, Ana Maria Saldovar,
Antonia Sprague, Brie Morris (ubi es tu, Brie?), Dina Schvidkova
(tote iste bellas!) o illo de Erik Enfors? In le sue vos pote vider,
detra su dorso in le photo, su idea genial como reducer le "input"
de alimentos de un vacca e duplar le production de lacte...
Studiante systematicamente tal sitos on sempre apprende nove cosas...
Bon chassa e Bon Anno Nove 2003 e a revider in le
16-e Conferentia International de Interlingua in Lovetch (Sofia),
Bulgaria, 26 de julio - 3 de augusto.
Amicalmente,
Ingvar
Ingvar Stenström
Vegagatan 12
S-432 36 VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu
|
