Subject: | |
From: | |
Reply To: | INTERLNG: Discussiones in Interlingua |
Date: | Sun, 8 Sep 2002 08:15:02 +0200 |
Content-Type: | text/plain |
Parts/Attachments: |
|
|
Iste matino al 7 e 30 le citate vive momentos particular. Al duo
stratas al latere de mi domo, illos que conduce al centro del citate,
alcun voluntarios del servicio de protection civil impedi le accesso.
Nos sape, in iste momentos durante le quales on pote ascoltar un
silentio totalmente particular, que in le proxime minutas le
artificeres (bomb-disposal expert) removera un bomba que se ha
revelate, intacte, durante le excavationes pro le restructuration
(restructure) del un edificio in centro a Treviso.
Uno del 2,636 bombas discargate supra Treviso le 7 april del 1944 per
159 aviones B-17 del 15-me Fortia Aeree statounitese.
Iste bomba non explodeva al impacto al solo illo die e se celava
solmente.
Hodie 4.662 citatanos al 7 hora ha abandonate lor casas,
obligatorimente, pro precaution.
Minus de illes que le 7 april moriva sin necessitate.
Mesmo iste sorta de factos servi a recordar.
Pro un equilibrio mie personal, io recorda ora le cemeterios de guerra
del prime e secunde guerras mundial, assi numerose in mi territorio.
Al ceremonias del veteranos, sempre minus numerose, illes del duo
partes se trova insimul pro recordar.
Forsan iste unitate ora da un senso al sacrificios human del population
civil de Treviso.
Uno debe sempre trovar le latere positive a omne question.
Al successo del obra del artificeros e al memoria del victimas militar
e civil de omne guerra inutile,
Mario
|
|
|