Subject: | |
From: | |
Reply To: | INTERLNG: Discussiones in Interlingua |
Date: | Sun, 1 Jun 1997 20:49:25 +0200 |
Content-Type: | text/plain |
Parts/Attachments: |
|
|
Ego desira le benvenitos al observator del Radio National Svedese qui - in
un maniera incomprehensibile pro me - sembla sequer nostre discussiones. A
saper, in le septimana passate il era un programma in re le parola
_americano_ in svedese pro le cives del Statos Unite. On constatava que il
non pote exister un parola svedese _förenta statare_ viste que isto es un
cosa totalmente non-existente in le mesme maniera que un _marsiano_ de facto
- como nos lo usque alora cognosce - non existe. Basta que ego explica que
un _statare_ in Svedia era un laborator rural qui recipeva su salario in
natura e labora con tote su familia in un "latifundio" (un grande ferma) in
Svedia. Le parola _förenta_ significa _le unite(s)_. Le problame es que
stat-er-na = le statos usa le mesme radice.
stato-s-les
In le Grande Dictionario finno-svedese ego incontrava:
yhdysvaltalainen = statounitese - correctemente traducite in svedese como:
amerikan e "cive del Statos Unite".
Le forma statounitese non es si "improxime apportate" como on pote supponer
viste que il existe le expression anglese _A United States' citizen_.
A mi aviso le parola _gringo_ es un corruption del anglese _greencoat_. Il
se dice esser usate pro _nordamericanos_ sed in le libros de aventuras
frequentemente usate pro omne _nordeuropeos_. Il debe esser assatis
difficile differentiar un _svedese_ de un altere _gringo_.
Ante multe annos ego observava un demonstration/manifestation in Stockholm
central, ubi era un gruppo de svedeses e latinoamericanos demonstrante in
favor de Cuba e contra le Imperialismo American. E il era le sloganos usual
como _Foras le yankis_, _Cuba si, yankis no!_ e le svedese co-manifestantes
acclamava entusiasticamente. Evidentemente illes non cognosceva le espaniol
o non pensava, proque illes assi entusiasticamente acclamava le slogano
_Foras le Gringos!_ (Ego me sentiva tentate ir a un de illes e demandar an
ille credeva que on poterea vider le differentia inter ille e un altere
_gringo_ in Cuba, si ille venirea ibi :-)
Gringoticamente
Kjell Rehnstroem
Vaenortsgatan 87
S - 75264 Uppsala
email: [log in to unmask]
|
|
|