Car Julio,
il es ver, io ha date le impression de haber generalisate con le extension
del Magna Grecia a tote Italia.
Illo non es ver e tu ha ben precisate isto.
Ma io pote adjunger a isto multe altere informationes e io jam faceva un
referentia con le facto del cavallos.
Qui era le paleovenetos, o le venetos originari?
Si nos considera solmente illo que nos trova in nostre subterreno (non
petrolio!) hic a Treviso, Altino, Opitergium, Montebelluna, Asolo, e
supertoto in le capital del tempore: Este, ben, nos trova antea utensilos
grec e plus recente etrusc postea roman, in ultra a illos originari
paleovenetic. (1)
Isto explica que le grecos era de casa in Veneto e nos fluvios era de ille
navigate usque al interior.
Illes trovava hic jam un cultura e un organisation local ben radicate e de
bon nivello, assi illes non poteva extabilir un presentia stabile como
illes faceva usque in le actual Francia e Hispania e, obviemente in Magna
Grecia ver e proprie.
Assi inter le duo civilitates, illes del tempore se linitava a exercitar le
commercio, como illes ha lassate mute testimonios.
In Veneto iste testimonios "recente" ha un datation ab 8,000 annos retro.
Le historia nos da un pictura general, ma si uno pote frequentar le diverse
museos que nos ha hic, uno comprende que in le Adriatico e in particular il
le alte Adriatico, le grecos era de casa multe seculos antea le romanos. In
le litteratura classic roman on trova le episode, recente pro le historia
de iste region (III seculo A.C.), del Spartanos qui tentava de appropriar
se del actual Padua, durante que le homines in etate de facer lo, circa in
20,000, era con le romanos a contrastar le galles in Toscana. Le facto es
famose perque era le juvenes venete qui rejectava le grecos invasor, in
difficultate in nostre lagunas.
Que Venetia sia nascite como consequentia del invasiones barbaric, es
historicamente demonstrate que es simplemente un fabula. Le lacunas e le
terra basse era de sempre habitate.
At 03:07 PM 10/30/00 -0500, Jonathan Julius Dobkin wrote:
>Mario ha scripte (Re: Vamos nos al plagia):
>
> >Italia era Magna Grecia antea de esser roman.
>
>Si, ma non tote le peninsula: solmente le regiones litoral del
>sud era appellate "Magna Gręcia." Le grecos ancien era un
>populo maritime e ha fundate lor colonias (citates extra Grecia)
>proxime al costas, non solmente in Italia ma alsi in Ionia (le west
>de Anatolia), in le nord de Africa, in Sicilia (que etiam habeva
>multe colonias punic*) e in Francia e Hispania: Marseilles era
>originalmente "Massalia," un citate grec, e Cadiz alsi era fundate
>per le grecos, qui lo ha appelate "Gades."
(1) Durante labores in mi casa del XIII seculo, un mason rumpeva un brica
e, sape vos que nos trovava al su interior un coclear del epoca roman? Io
trova in le museos coclares equal al mie. Anque perque in le bricas on face
iste discopertas il serea un bon thema.
|