)))))))))))))))))))))))))))))))))
Iste nocte per Interlingua.com
io ha volate usque Almazonia,
un pais ficticie create per Ensjo.
Io era surprendite de rediscoperir
le deserto de Dino Buzzati.
Io habeva legite « il Deserto dei Tartari »
il ha multe annos e io mesme recentemente
habeva facite in mente le comparation del
longe expectation del ancian interlinguistas
pro le adoption del nostre belle lingua
como lingua franc, con le vita de expectation
del heroe del roman.
Quanto longe debe esser le cammino de Piet,
Ingvar e altere ancian soldatos de Interlingua,
cuje sonios que non ancora se ha concretisate,
son flores que florescera tan tarde!
Amicalmente,
Jacques