03/01/02 6.08.34, Martijn Dekker <[log in to unmask]> ha scritto:
>Un breve reporto de mi pais re le cambio al euro.
>
>Brevissime version: Toto va ben. Il non ha problemas digne de mentionar.
>Nulle spectaculo ni scenarios de damnation. (Que enoiose.)
[...]
In Italia post 5 dies desde le introduction del euro, il sembla que le italianos non lo usa multo in le
transactiones commercial. Nos es europeistas solmente con le parolas, sed non in maniera
practic.
Solmente 15-20% del personas lo usa, con un remarcabile differentia inter le altere nationes de
eurolandia, per ex. Nederland 75%, Germania, Luxembourg plus que 50%, etc.
Il ha longe caudas in banca, in posta pro le cambio; al longe del autostratas pro le pagamento del
pedage e le calculo del resto, sed isto era multo previsibile, e le situation va ameliorar in le proxime
dies. Le distributores automatic de billetes de banca functiona a 85-90% del possibilitate, e io non
ha habite ulle problema pro haber le euros, sed solmente con elevate valor: € 100, 50, il manca le
basse valor de € 5, 10, 20 que io pote comocunque trovar in banca.
Hodie io jentava al bar e io era le sol persona, inter un decena, qui pagava con le nove moneta. In
mi village, io crede que solmente 5% (forsan) usa actualmente le euro. Forsan isto es causate per
alicun problemas plus psychologic que economic o practic. Il ha un grande pavor de errar in usante
un grande massa de nove e incognite monetas; de esser fraudate per le commerciantes con le
resto. Il ha etiam un grande pigressa mental pro le calculo e le conversion: le gente non vole
accostumar se al nove moneta proque isto les face sentir in un nation estranie, in le qual le valor
del mercantia ha un altere e un nove relation con le vita quotidian. Le psychologos ha definite isto
como le "*syndrome del viduo".
Multo probabilemente le italianos non ha ben comprendite que il non ha altere possibilitates, que le
cosa melior a facer es lo de accostumar se tosto al nove moneta, etsi isto costa multe fatiga e
sudor.
*syndrome: io ha trovate iste parola in le vocabulario de Paolo Castellina. Iste parola non existeva
originarimente in le IED.
Luca Ghitti
|
