-------- Inizio del messaggio inoltrato -------
From:  <[log in to unmask]>
To: [log in to unmask]
Subject: Re: le Bel Pais
Date: 06/01/02 10.45.52

>
>Probabilemente le italianos, qui es notorimente un populo que sparnia,
>dispone de un discrete stock de lire e pensa de utilisar lo normalmente,
>como le introduction del euro permitte de facer durante iste mense e le
>proxime. Perque precipitar se a cambiar?

Nulle precipitation, solmente que le uso de duo monetas al mesme tempore pote e effectivemente
crea un poco de problemas con le restos. Isto non es mi opinion, sed le opiniones de multe
commerciantes al quales io parlava.
>
>Le imagine classic del solite italiano qui pensa que al estraniero le mundo
>sia melior, quando al contrario le America es hic! Iste Luca debe viver in
>un localitate italian un poco a su modo! Probabilemente isto es illo que
>pensa Luca, e non le veritate.

Io audi hodie al Television: Lombardia (le region ubi io habita) sembla non haber ancora le uso del
euro, solmente le 10% del population lo usa. Usque a hodie in mi village io ha viste solmente un
persona usar le nove moneta, inter decenas e decenas de personas.
Hodie io comprava le jornal, le persona del kiosque non cognosceva le precio in euro. cosa io
debeva pensar: post un
septimana, era forsan io le primo o inter le primos que lo comprava con le nove moneta?
Lo que io scribe hic non es le veritate absolute, illo es solmente mi opinion, lo que io vide o nota in
mi village.
In le grande citates le uso del euro es multo plus concrete, plus real . Tu vive a Treviso un ric citate
capital provincial in le plana padane, io vive in un parvissime village in le Alpes, duo differente
realitates social, economic e cultural. Per favor, non considera mentitor le persona que scribe
opiniones differente ab le tue!
Pro le uso del euro Italia es al mesme nivello de altere paises europee como Francia, Belgica; sed
multo minus in
comparation a Danmark, e isto non es io que lo dice, sed le percentage scribite in le jornales que
io lege.

 Iste matino io me dedicava a facer le compras
>in ben sex diverse realitates commercial sia a Treviso que in le environs.
>Il es ver, al cassa uno incontra un leger retardo, totevia un meraviliose
>collaboration. Le prime demanda per le cassero es: "Paga vos in lire o in
>euro?" Si uno responde in euro le cliente obtene le indication del summa a
>pagar in euro sequite de un cortese "pari a lire . . .". Le importo in le
>duo monetas, le secunde in vetule lire, pro commoditate de cliente!
>Io ha assistite al collaboration pro recercar le parve moneta del centesimi,
>e un grande gentilessa in le contar le moneta del resto.
>Totos poneva multe attention, sin haste.
>E io ha observate que le personas es patiente e mesmo felice del
>collaboration per le cassero. Le discursos que uno pote sentir es del typo:
>"Io ha ancora lire de finir!", "Io debe facer habitude a iste nove monetas
>assi parve!", "Nos ora habera solmente le euro, assi nos debera facer
>habitude a iste sol moneta!".
>Necuno, vermente necuno, exprimeva aversion al euro, ni difficultates de
>sorta.

Quasi le totalite del commerciantes al quales io parlava exprimeva su avversion al introduction de
iste nova moneta, o al minus isto era viste como un cosa enoiose, multo compexe . Multo
probabilemente con le passar del dies, le uso del euro devenira un cosa normal e iste avversion
disparera.

>E io non ha observate personas juvene, active, no! io ha cercate de observar
>le personas qui, pro etate, pro prime impression, poteva manifestar un typo
>de persona qui poteva haber difficultate.
>Luca, es tu certe de contar nos le veritate quando tu judica le italianos?

Io non ha judicate le italianos, esque tu vole facer lo pro me?

>
>>Il ha longe caudas in banca, in posta pro le cambio; al longe del
>>autostratas pro le pagamento del
>>pedage e le calculo del resto, sed isto era multo previsibile, e le
>>situation va ameliorar in le proxime
>>dies. Le distributores automatic de billetes de banca functiona a 85-90%
>>del possibilitate, e io non
>>ha habite ulle problema pro haber le euros, sed solmente con elevate valor:
>>€ 100, 50, il manca le
>>basse valor de € 5, 10, 20 que io pote comocunque trovar in banca.
>
>Il me pare que tu Luca sia in contradiction. In iste e in le proxime mense
>non ha nos le curso del duo monetas: lire e euro?

Cata uno es libere a facer lo que ille vole e con le liras e con le euros. Io pone in evidentia que le
cosa melior a facer es lo de accostumar se tosto al uso del nove moneta. Post le 28 de februario il
non haberea plus le tempore pro facer lo! Etiam si non habera ancora multe liras in nostre domos a
expender!

Le caudas al banca, al posta, al autostrata es un cosa normal hic in Italia, le euro non debe devenir
un pretexto pro isto!

[...]

>
>Qual poc consideration tu ha de tu co-citatanos, Luca! Non es iste personas
>le mesme que te permitteva de viver hodie in uno inter le prime Pais del
>mundo? Deveniva illes improvisemente imbecille? Pro un moneta?

Io ha un grande consideration de mi co-citatanos, e naturalmente de tote le citatanos del altere
nationes. Evidentiar lor habitude re le uso o non-uso del euro in iste dies, il non me sembla de
offender alicuno!
Effectivemente quando in iste dies io usava le euros, le altere personas me reguardava como si io
era un grande imbecille! :-)

[...]

Luca Ghitti
-------- Fine del messaggio inoltrato --------