Subject: | |
From: | |
Reply To: | INTERLNG: Discussiones in Interlingua |
Date: | Fri, 21 Feb 2003 11:15:50 -0800 |
Content-Type: | text/plain |
Parts/Attachments: |
|
|
Car amicos,
Io vos saluta de Dhaka, le capital del Republica Popular de Bangladesh, que io nunc visita.
Io es hic pro vider le activitates pro commemorar le Martyros del Lingua - studentes qui ha perdite lor vita durante un manifestation le 21de februario 1952 pro officialisar le lingua bengalese. (Usque 1971 iste pais esseva un parte de Pakistan e le lingua official esseva urdu, benque le majoritate hic parlava bengalese. On considera que le movimento lingual preparava le via pro le lucta de independentia de 1971.)
Nunc on commemora iste martyros cata anno e le die es le plus importante in le calendario del pais. Io ha deponite flores presso le monumento al martyros.
In 1999 le Unesco ha declarate iste die como le Die International del Lingua Materne.
In un epocha ubi alicun grande linguas national deveni dominante il es significante que on emphasa le derecto de usar su proprie lingua. Naturalmente, isto non exclude le studio e uso de altere linguas, per exemplo un lingua auxiliar.
Esque il ha activitates in vostre pais pro celebrar iste die?
Cordialmente,
Don
---------------------------------
Do you Yahoo!?
Yahoo! Tax Center - forms, calculators, tips, and more
|
|
|